I Pet 3:8 - Sơ̆p Hlabơar Nơ̆r 'Bok Kei-Dei

⁸ Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.

I Pet 3:8 ပူးပေါင်းရင်းမြစ်များ

Horiso 103:13

Thoi 'bă 'mêm kơ kon hơ'lơ̆p sư dang yơ. Kră Yang 'mêm kơ lu bơngai bu mă hli yom kơ Sư dang noh mơ̆n.

Tơdrông Pơđơk 28:8

Bơngai bu pơm kơ mơdrŏng rai tŏk iŏk đơ̆ng sa kiĕng lơ. Jên kăk răt pơpôi ăn kơ bơngai băt mơnat kơ lu dơnuh hin.

Sa 7:9

“Kră Yang Tih Hloh khan thoi âu: ‘Pơm bĕ dôm tơdrong kiơ mă 'lơ̆ng tơpăt păng rim 'nu athei iơ̆m dim, 'mêm mơnat kơ 'nhŏng oh;

Mathiơ 18:33

na lơliơ ih ưh kơ băt mơnat kơ bôl ih thoi inh mơnat kơ ih?’

Luka 10:33

Tơpo hơtuch đei minh 'nu bơngai dêh đe Samri kư̆m năm truh tơ noh. Sư 'bôh bơngai noh na sư đei đon 'brơ̆k mơnat.

Jang 2:1

Truh Năr Giĕng Pangtơkôt, lu bơngai lui kơ Yêsu akŭm minh anih.

Jang 27:3

Na năr dơning nhôn truh tơ Pơlei Siđôn. 'Bok yŏng linh, anăn sư Julus, mơnat kơ Pôl, na ăn kơ sư jur đơ̆ng thŏng-nan năm ngôi tơ lu buăl sư tơ pơlei ei. Julus kư̆m ăn kơ buăl Pôl tơgŭm Pôl lu tơdrong sư wă kăl.

Jang 28:7

Jê̆ 'bơ̆t ei đei mir Publiu, bơngai pơgơ̆r bŏl đak ei. Sư pơtơm nhôn mơ̆t tơ hnam sư, na nhôn oei păng sư pêng năr.

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Rom 15:5

'Bok Kei-Dei ăn kơ bơ̆n đei đon lui kơjăp păng ăn kơ bơ̆n oei hiôk, na inh apinh Sư ăn kơ iĕm oei hiôk gơh găt dih băl, kư̆m thoi Yêsu Krist bơngai gơh găt păng bơ̆n.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

I Kor 12:26

Dah akâu bơ̆n minh chăl sư jĭ, lei jơ̆p kơ akâu bơ̆n kư̆m jĭ mơ̆n. Dah đe ư-ang kơ minh chăl akâu bơ̆n 'lơ̆ng rŏ, lei jơ̆p kơ trôm akâu bơ̆n kư̆m lăp đon mơ̆n.

Êphêsô 4:2

Inh wă kơ iĕm gơh găt thoi lu bơngai dim, băt 'mêm kơ bôl buăl, pơma dơnuh dih băl mă hiôk, pơlung dih băl mă 'lơ̆ng.

Êphêsô 4:31

Iĕm athei lê̆ đĭ dôm tơdrong tơhil pơma ôr pơret, tơdrong ơh lăm jơhngơ̆m pơma kơnê̆ kơ đe, hăm đĭ dôm tơdrong khĕnh hơwĕng.

Êphêsô 4:32

Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

Philip 3:16

Dôm tơdrong mă Sư tơbăt kơ bơ̆n boih, Sư wă kơ bơ̆n kiơ̆ mă 'blep, wei mă kơjăp khŏm khŏm.

Kôlôsê 3:12

Lu bơ̆n âu boih 'Bok Kei-Dei 'mêm mơnat, na rơih iŏk bơ̆n, wă kơ bơ̆n jing kon Sư; na bơ̆n athei băt 'mêm mơnat kơ đe lei-lăi, pơm 'lơ̆ng kơ đe thoi lu bơngai gơh găt.

Hêbrơ 13:1

Bơ̆n athei iŏk tơdrong 'mêm mơnat dih băl ling-lang.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 2:17

Bơ̆n athei pơhiôk jơhngơ̆m đe ling-lang, băt 'mêm mơnat kơ lu 'nhŏng oh bơngai lui, chu kơ 'Bok Kei-Dei hli kơ bơ̆n pơm ưh kơ lăp kơ Sư păng bơ̆n athei chu yom kơ 'bok pơtao tơm mơ̆n.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

II Pet 1:7

Dah iĕm pơm kiơ̆ dôm tơdrong 'Bok Kei-Dei, iĕm gô đei đon 'mêm kơ bôl buăl bơngai lui, đơ̆ng noh na iĕm jing 'mêm kơ đĭ-đăng bơngai.

I Yo 3:14

Bơ̆n băt bơ̆n jăk đơ̆ng tơdrong lôch boih wă arih ling-lang kơlih kơ bơ̆n 'mêm mơnat kơ 'nhŏng oh bơ̆n. Bơngai bu ưh kơ 'mêm mơnat kơ 'nhŏng oh sư, bơngai 'noh oei kiơ̆ gah tơdrong lôch.