I Pet 3:3 - Sơ̆p Hlabơar Nơ̆r 'Bok Kei-Dei

³ Dah iĕm wă kơ đe băt kơ iĕm bơngai 'lơ̆ng, ưh kơ kăl kơ iĕm pơm sŏk pơ'lơ̆ng ôh, ưh kơ kăl iĕm 'bot pơrŏ tơkhiĕn maih, 'băk anam, dah hrŭk hơbĕn ao kăp jên.

I Pet 3:3 ပူးပေါင်းရင်းမြစ်များ

Bl 24:22

Đang kơ lu aseh lăk-đa sư nhă boih, bơngai đam noh sư iŏk gŏp muh maih trăp dang minh puăt jên hu păng 'bar tŏ kong maihb trăp dang mơjĭt hlak jên hu.

Bl 24:47

Inh apinh sư thoi âu: ‘Ih kon bu?’ Sư tơl: ‘Inh kon Bêthuel, sâu 'bok Nahôr păng yă Milka.’ Na inh pơđoh ăn gŏp maih tơ muh sư păng tơ'bot ăn kong tơ kơkŏng sư.

Bl 24:53

Sư iŏk dôm tơmam pơhrôp păng hu, maih păng ao tai chro ăn kơ Rê'bêka; păng kư̆m đei lu tơmam gĭt kăp pơyơ̆r ăn kơ 'nhŏng sư hăm Mĕ sư.

II Pot 9:30

Kơplah Jêhu năm truh tơ pơlei Jêsreel. Jêsebel kơtơ̆ng băt na iŏk chŭr pik muh măt, hơmet sŏk, pơhrôp hơbĕn 'nao mă 'lơ̆ng, đơ̆ng noh dơ̆ng tơmang đơ̆ng 'măng-'mŏk sư.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Horiso 45:9

Lăm lu drŏ-kăn mă pơtao gĭt noh đei lu bia, Akăn pơtao oei gah 'ma kơ Ih, Pơguăng păng maih Ôphir.f

Le 3:22

rim 'nu bơngai drŏ-kăn Isơrael gô apinh đơ̆ng bơngai drŏ-kăn Êyiptơ rông 'bôt sư, hăm lu bơngai tơmoi oei hơdai lăm hnam dơnŏ, dôm tơmam thoi maih, hu, truh tơ hơbĕn ao, iŏk pơhrŭk ăn kơ kon drŏ-nglo, drŏ-kăn lu iĕm kơdih. Lu iĕm gô plôh iŏk pơđĭ đơ̆ng akâu kon pơlei Êyiptơ thoi noh.

Le 32:2

Arôn khan kơ lu sư, toh bĕ le maih đơ̆ng đon akăn lu iĕm kon drŏ-nglo lu iĕm, hăm kon drŏ-kăn lu iĕm, klaih kơ noh ba kơ inh.

Le 33:4

Kơplah kon pơlei pơla kơtơ̆ng tơdrong kơnê̆ noh, lu sư sơ'ngon kơdih kơdih, ưh kơ đei bơngai bu 'bot dah đoh tơmam pơhrôp.

Le 35:22

Thoi noh mă lu drŏ-nglo mă lu drŏ-kăn năm mơ̆n, đĭ-đăng bơngai bu bu đei jơhngơ̆m 'maih wă chĕp ba le đon, tơkhiĕn, kong 'bot, hăm dôm lu tơmam pơhrôp păng maih, đĭ-đăng lu sư pơyơ̆r maih kơ Kră Yang.

Le 38:8

Sư iŏk kơmĭl hăm kong đơ̆ng lu drŏ-kăn bơ̆jang 'bơ̆t 'măng Bơsŭn Anih Akŭm pơyơ̆r, pơm hĭ minh pôm kơthŭng hăm jơ̆ng sư.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Je 2:32

Kon adruh hăm hiơt kơ tơmam pơguăng sư, mŏ mai hle hăm trŏ kơ sư hiơt kơ hơbĕn ao pơkong sư? Mă-lei kon pơlei Inh hiơt kơ Inh đunh boih pă kĕ jô̆ dang yơ.

Je 4:30

Bĭ iĕm, ơ bơngai mă oei wă pơrăm. Iĕm pơm kiơ mă hrŭk ao 'brê hơhĭm, pơguăng hăm maih se, Iŏk 'long chih chhơ̆ gơnur măt, pơguăng wă kơ 'lơ̆ng liĕm, kư̆m đĭ pă yua: Bơngai mă hơyuh kơ iĕm kư̆m achăng lê̆ iĕm, kư̆m wă chă pơlôch ih.

Êsêkiên 23:40

Hloh kơ noh dơ̆ng lu sư chă krao lu drŏ-nglo đơ̆ng ataih, to lu sư truh boih; yua kơ sư noh na ih hum hơrao, pik muh măt păng pơhrôp pơguăng ih kơdih.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

I Pet 3:2

Sư 'bôh tơdrong iĕm lui kơ 'Bok Kei-Dei hăm pơm 'lơ̆ng, sư gô pơm kiơ̆.