I Pet 3:22 - Sơ̆p Hlabơar Nơ̆r 'Bok Kei-Dei

²² Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

I Pet 3:22 ပူးပေါင်းရင်းမြစ်များ

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Mathiơ 22:44

‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Markôs 12:36

Yang Bơhngol 'Lơ̆ng athei Đawit khan thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Luka 20:42

Mă-lei Đawit khan tơ lăm sơ̆p hla bơar Tơdrong Hơri Sơ̆ thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r,

Yo 13:32

Kơlih kơ đe ư-ang kơ 'Bok Kei-Dei ăn Inh lôch tang kon bơngai, na 'Bok Kei-Dei wă ăn kơ đe ư-ang Inh Kon Bơngai. Sư wă ăn kơ đe ư-ang Inh dang ei boih.

Jang 1:11

“Ơ bơngai Galilê, iĕm lăng 'bloh chă kiơ tơ plĕnh? Ning-mônh Sư gô jur dơ̆ng kư̆m thoi Sư tŏk mơ̆n.”

Jang 3:21

Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

Rom 8:38

Na dang ei inh băt tơpă boih, mă đei tơdrong kiơ kiơ truh kơ bơ̆n, 'Bok Kei-Dei Sư oei 'mêm kơ bơ̆n hơnơ̆ng đĕch, yua kơ bơ̆n băt kơ Kră Yang bơ̆n Yêsu Krist 'mêm kơ bơ̆n tơgŭm bơ̆n lăm tôm tơdrong. Mă bơ̆n lôch, mă bơ̆n oei arih, 'Bok Kei-Dei Sư 'mêm kơ bơ̆n ling-lang tơpă. Na mă linh jang, mă yang kơnê̆, mă yang kiơ wă tơgar iŏk bơ̆n đơ̆ng 'Bok Kei-Dei 'mêm kơ bơ̆n ưh kơ kĕ ôh. Mă tơdrong truh kơ bơ̆n kơnh pơgê, dah layơ Sư ưh kơ lê̆ ôh, Sư wei-lăng lu bơ̆n tơpă.

I Kor 15:24

'Bơ̆t 'noh boih năr tôch, na dôm lu bơngai juăt kơ pơgơ̆r păng dôm lu yang nai mă hơdai wang 'maih pơgơ̆r, năr 'noh kơnh lu sư gô thuơ kơ Yêsu Krist đĭ na Yêsu gô pơjao ăn kơ 'Bă Sư pơgơ̆r đĭ-đăng tôm tơdrong.

Kôlôsê 3:1

'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.

Hêbrơ 1:13

'Bok Kei-Dei tam layơ khan kơ linh jang thoi Sư khan kơ Kon Sư thoi âu: “Ih kư̆ oei gah 'ma kơ Inh pơgơ̆r, Tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.”

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 1:6

Thoi noh na kơplah năr mă Sư ăn Kon Sư kơdih jur tơ teh âu sơ̆, Sư krao đĭ-đăng kơ lu linh jang Sư khan: “Ơ đĭ-đăng lu linh jang Inh, kơkuh kơ Sư bĕ.”

Hêbrơ 10:12

Gah Yêsu Krist, Sư soi akâu Sư kơ 'Bok Kei-Dei wă pơklaih tơdrong yoch kon bơngai minh 'măng sơ̆ tôm boih. Dang ei Sư tơoei gah 'ma kơ 'Bă Sư 'Bok Kei-Dei.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

Hêbrơ 6:20

Yêsu tŏk tơ noh hơdrol kơ bơ̆n, Sư oei 'bơ̆t anăp 'Bok Kei-Dei, thoi 'bok soi tih juăt kơ mơ̆t tơ lăm hnam akŭm anih giĕng soi tih mă 'Bok Kei-Dei oei. Sư tŏk tơ noh wă hơmet trong kơ bơ̆n, wă kơ bơ̆n gơh tŏk kiơ̆ Sư, yua kơ Sư pơm 'bok soi tih ling-lang kiơ̆ kơ Sư adrĕch tih Mêlkisêdek sơ̆.

Hêbrơ 8:1

Dôm tơdrong inh pơma kơ iĕm dang ei, tơdrong âu kăl tơpă, thoi inh roi kơ iĕm tơ kơpal noh hei: Bơ̆n đei minh 'nu 'bok soi tih, Sư oei gah 'ma kơ 'Bok Kei-Dei tơ plĕnh ti.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.