I Pet 3:14 - Sơ̆p Hlabơar Nơ̆r 'Bok Kei-Dei

¹⁴ Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

I Pet 3:14 ပူးပေါင်းရင်းမြစ်များ

Tơdrông Pơđơk 3:25

'Nĕ kơ hli krưp kiơ ôh kơplah tơdrong kơnê̆ blư truh kơ ih, Kŭm 'nĕ kơ hli krưp mơ̆n kơplah ih 'bôh tơdrong kơnê̆ truh pơrăm lu bơngai pơm kơnê̆.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Je 15:15

Ơ Kră Yang, Ih băt đĭ boih, apinh Ih 'blŏk kơ inh păng wei-lăng inh, apinh iung kơting bĕ kơ lu bơngai mă pơm kơnê̆ kơ inh. Hăm tơdrong Ih mơnat, 'nĕ kơ hŭt lê̆ inh. Ih kư̆m 'blŏk, yua kơ Ih na inh pŭ iŏk tơdrong đe pơjăm.

Êsêkiên 3:9

Inh gô pơm kơ kơ̆l ih arăng thoi jơmŏng, arăng hloh kơ tơmo. 'Nĕ hli kơ lu sư păng 'nĕ tơrơ, yua kơ 'bơ̆t anăp măt lu sư yua kơ lu sư jing adrĕch adrung ayăt kơ Inh.”

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 10:31

Thoi noh na iĕm 'nĕ kơ hli, 'Bok Kei-Dei 'mêm kơ iĕm hloh kơ Sư 'mêm kơ sem rĕch.

Mathiơ 10:39

Bu ưh kơ chu lôch yua kơ tơdrong Inh, bơngai 'noh lôch hoh hoh đĕch, ưh kơ yua kiơ ôh. Bu chu lôch yua kơ tơdrong Inh, bơngai 'noh gô arih ling-lang.

Mathiơ 16:25

Bơngai bu ưh kơ chu lôch yua kơ tơdrong Inh, bơngai noh gô lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh, sư 'noh gô arih ling-lang.

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Markôs 10:29

Yêsu khan: “Inh khan kơ iĕm tơpă, bơngai bu achăng lê̆ hnam sư, 'nhŏng oh sư, mĕ 'bă sư, kon sư, mir 'ba sư, yua kơ sư wă jang tơdrong Inh păng ră roi tơdrong 'nao 'lơ̆ng kơ đe,

Markôs 8:35

Bơngai bu ưh kơ chu lôch yua kơ tơdrong Inh, bơngai noh gô lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh păng tơdrong 'nao 'lơ̆ng, sư 'noh gô arih ling-lang.

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

Philip 1:29

'Bok Kei-Dei 'mêm kơ iĕm na Sư ăn kơ iĕm lui kơ Yêsu, mă ưh kơ sĭ Sư ăn kơ iĕm lui kơ Yêsu lui hiôk, kơkuh kơ Sư kơkuh hiôk đĕch ôh. Sư wă kơ iĕm pơư pơang kơ đe anăn Yêsu Krist mă tơpă, na mă Sư kư̆m ăn kơ iĕm pŭ pơmat tơdrong Yêsu mơ̆n.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.

I Pet 3:6

Yă Sara sơ̆ kư̆m thoi noh, sư chu yom kơ klo sư Abraham păng anăn Abraham yŏng tơ'ngla sư. Dah iĕm pơm 'lơ̆ng thoi sư, iĕm huay kơ hli kơ đe jô̆ kơ iĕm bơngai kơnê̆ ôh păng iĕm kư̆m dang kon sâu yă Sara mơ̆n.