I Pet 3:13 - Sơ̆p Hlabơar Nơ̆r 'Bok Kei-Dei

¹³ Dah bơ̆n pơm 'lơ̆ng ling-lang, ưh kơ đei bu pơm kơnê̆ kơ bơ̆n ôh.

I Pet 3:13 ပူးပေါင်းရင်းမြစ်များ

Horiso 38:20

Lu bơngai 'mong tơdrong kơnê̆, đêl inh pơm 'lơ̆ng. Noh kư̆m jâu inh, yua kơ inh kiơ̆ trong 'lơ̆ng.

Tơdrông Pơđơk 12:21

Ưh kơ đei tơdrong kiơ truh kơ lu bơngai 'lơ̆ng tơpăt; Mă-lei đei tơdrong truh răm kơ lu bơngai pơm kơnê̆.

Tơdrông Pơđơk 15:9

Kră Yang areh dêh trong lu bơngai kơnê̆; Mă-lei sư 'mêm mơnat kơ bơngai bu kiơ̆ trong tơpăt.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Je 39:12

“Iŏk sư bĕ, wei-lăng sư pơ'lơ̆ng 'nĕ kơ pơrăm sư, mă-lei pơm kiơ̆ bĕ thoi sư wă.”

Rom 13:3

Lu bơngai pơgơ̆r ưh kơ sĭ sư wă rôp phak lu bơngai pơm 'lơ̆ng ôh, sư rôp phak lu bơngai pơm kơnê̆. Tơ̆ng bơ̆n wă huay kơ hli kơ lu bơngai pơgơ̆r, bơ̆n athei pơm 'lơ̆ng na lu sư bơnê.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

I Kor 14:1

Na bơ̆n ling-lang athei băt 'mêm kơ 'Bok Kei-Dei hăm bôl buăl bơ̆n păng bơ̆n athei apinh Yang Bơhngol 'Lơ̆ng asong kơ bơ̆n tơdrong hơgei Sư, mă loi gơh pơtruh nơ̆r 'Bok Kei-Dei.

Êphêsô 5:1

Bơ̆n jing kon 'Bok Kei-Dei, 'Bok Kei-Dei Sư 'mêm kơ bơ̆n tơpă, na bơ̆n athei pơm rok Sư.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

III Yo 1:11

Ơ oh, ih 'nĕ kơ pơm rok lu bơngai mă pơm kơnê̆ thoi noh hŏ, ih pơm rok lu bơngai pơm 'lơ̆ng đĕch. Bơngai bu pơm 'lơ̆ng, bơngai 'noh lĕch đơ̆ng 'Bok Kei-Dei. Bơngai bu pơm kơnê̆, bơngai 'noh ưh kơ lĕch đơ̆ng 'Bok Kei-Dei ôh.