I Pet 2:22 - Sơ̆p Hlabơar Nơ̆r 'Bok Kei-Dei

²² “Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”

I Pet 2:22 ပူးပေါင်းရင်းမြစ်များ

Horiso 34:13

Bơwei bĕ hơpiĕt wă huay kơ pơma nơ̆r kơnê̆ păng hơkŭng huay kơ pơma nơ̆r plêl.

Êsai 53:9

Đe 'măn bơih bơsat sư hơdai hăm lu bơngai kơnê̆. Mă khan sư ưh kơ đei layơ pơm tơdrong kơnê̆ păng 'bơ̆r sư ưh kơ đei hơlĕnh. Mă-lei kơplah sư lôch, đe 'bŭ sư hơdai hăm bơngai mơdrŏng;

Mathiơ 27:19

Kơplah Pilat oei tơ hnam sek tơlang, na akăn sư athei đe khan kơ klo sư thoi âu: “E 'nĕ pơm kơnê̆ kơ Yêsu hŏ, Sư ưh kơ đei yoch ôh. Inh sơ'ngon dêh yua kơ inh apo 'bôh tơdrong Sư măng hei hlĭch tơpă.”

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Luka 23:41

Đe pơ̆ng pơlôch ba trŏ boih yua kơ ba pơm tơdrong yoch tơpă. Mă-lei Sư âu ưh kơ đei pơm tơdrong yoch kiơ ôh.”

Luka 23:47

'Bok tih linh 'bôh dôm tơdrong Yêsu lôch noh na sư ư-ang kơ 'Bok Kei-Dei khan: “Bơngai 'nâu Sư bơngai 'lơ̆ng tơpăt ưh kơ đei pơm yoch kiơ ôh.”

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Yo 8:46

“Lăm lu iĕm ưh kơ đei bu 'bôh Inh pơm yoch kiơ. Dah Inh pơma tơpăt lơliơ iĕm ưh kơ wă lui kơ Inh?

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.

I Yo 3:5

Iĕm băt mơ̆n Yêsu Krist jur tơ ala teh âu sơ̆ wă pơklaih bơ̆n đơ̆ng tơdrong yoch. Păng Sư ưh kơ lah pơm yoch ôh.

Tơdrông Tơ'bôh 14:5

'Bok Kei-Dei 'bôh lu sư ling-lang pơma 'lơ̆ng ưh kơ đei pơma hơlĕnh hơya tŏ sĕt, yua kơ lu sư jing bơngai rơgoh 'lơ̆ng boih.