I Pet 2:21 - Sơ̆p Hlabơar Nơ̆r 'Bok Kei-Dei

²¹ 'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Pet 2:21 ပူးပေါင်းရင်းမြစ်များ

Horiso 85:13

Tơdrong tơpăt 'lơ̆ng gô năm adrol 'bơ̆t anăp Sư, gô pơm ăn trong kơ jơ̆ng Sư rok.

Mathiơ 10:38

Bu ưh kơ chu tôi 'long pơglang sư kơdih lôch kiơ̆ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 11:29

Yua kơ Inh bơngai dim, băt 'mêm mơnat, na apinh iĕm pŭ iŏk bĕ, pơhrăm iŏk bĕ tơdrong Inh âu, wă kơ iĕm pơdơh hiôk.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Yo 13:15

Inh ôp jơ̆ng iĕm noh, Inh pơm tơ'bôh kơ iĕm hơdrol wă kơ iĕm pơm kiơ̆ dih băl thoi noh.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 17:3

Sư tơblang tơdrong lu bơngai khan lê̆ hơdrol gah 'Bok Krist khan 'Bok Krist kơplah Sư oei ala teh Sư wă lôch iung arih dơ̆ng. Sư khan: “Inh bơtho ăn kơ iĕm tơdrong Yêsu. Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

I Kor 11:1

Na iĕm pơm kiơ̆ inh, thoi inh pơm kiơ̆ Yêsu Krist.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 2:5

Iĕm athei tơchĕng đon thoi Yêsu Krist tơchĕng:

I Tes 3:3

Iĕm đei tơdrong gleh pơmat-tat đe areh kơ iĕm, na kơplah noh ki inh wơh Timôthê năm bơtho iĕm, wă kơ iĕm huay kơ achăng lê̆ tơdrong lui bơ̆n. Iĕm băt boih dôm lu bơ̆n bơngai lui gô đei tơdrong pơmat-tat đe areh kơ bơ̆n.

I Tes 4:2

Iĕm băt boih dôm tơdrong Kră Yang Yêsu ăn kơ nhôn wă kơ nhôn bơtho iĕm.

II Tim 3:12

Dôm lu bơngai mă gơnang kơ Kră Yang Yêsu Krist wă pơm đon 'lơ̆ng tơpăt, lu sư gô đei tơdrong đe areh pơm kơnê̆ kơ lu sư.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.