I Pet 2:20 - Sơ̆p Hlabơar Nơ̆r 'Bok Kei-Dei

²⁰ Pơtih gia, dah bơ̆n pơm kơnê̆ kơ sư hơdrol, na sư tôn teh bơ̆n, mă bơ̆n thĕng đĕch, noh kư̆m ưh kơ yua kiơ ôh, ưh kơ đei bu khan bơ̆n bơngai 'lơ̆ng dơ̆ng. Dah bơ̆n 'nĕ chă pơm kơnê̆ kơ sư, gô mơ̆ng kơ sư chă areh kơ bơ̆n đĕch, noh 'Bok Kei-Dei lăp đon.

I Pet 2:20 ပူးပေါင်းရင်းမြစ်များ

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 5:47

Dah iĕm bôl tơduă lu 'nhŏng oh iĕm đĕch, lei 'Bok Kei-Dei lăng iĕm ưh kơ đei pha kiơ ôh. Lei lu bơngai mă ưh kơ lui kư̆m pơm thoi noh mơ̆n.

Markôs 14:65

Đei lu mơ'nah chă kơsoh pơ'brơh kơ Sư đak hai, đơ̆p muh măt Sư păng che, tŭr akâu Yêsu păng khan: “Roi lăng kơ nhôn wăi, bu tŭr Ih?” Lu linh gak kư̆m tap tơ'bŏk Sư mơ̆n.

Luka 6:32

“Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ lăp đon ôh. Bĭ lu bơngai yoch kư̆m băt băi 'mêm kơ bơngai mă 'mêm kơ sư mơ̆n.

I Kor 4:11

Đơ̆ng sơ̆ khơ̆ dang ei, nhôn rơwĕt kơ por, ol kơ đak, iak kơ ao hiah dônh hrŭk hrăi; đe tơhmăi nhôn jĭ kơ lu sư tôn tơbeh teh tơlơ̆, wă ling-lang răm-'băm anih hnam hoh-hoy, hrăn yak rim anih.

Galati 4:18

Gah lu buăl bơ̆n, dah lu sư 'mêm kơ iĕm tơpă trŏ mơ̆n, dah lu sư wă tơgŭm iĕm tơpă. Inh oei păng iĕm inh wă tơpă tơgŭm iĕm; na dang ei inh oei tơ nai, lê̆ kơ buăl bơ̆n dơ̆ng tơgŭm iĕm.

Êphêsô 5:10

Iĕm athei chă dôm tơdrong 'Bok Kei-Dei lăp đon noh.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

I Pet 2:19

Bơ̆n ưh kơ đei pơm kơnê̆ kơ sư, mă sư pơm kơnê̆ kơ bơ̆n, bơ̆n athei thĕng đĕch yua kơ bơ̆n băt tơdrong 'Bok Kei-Dei boih, thoi noh na 'Bok Kei-Dei lăp đon kơ bơ̆n.

I Pet 3:14

Dah đe pơm kơnê̆ kơ bơ̆n yua kơ bơ̆n pơm 'lơ̆ng, noh bơ̆n rai hiôk hloh. Iĕm 'nĕ kơ hli kơ tơdrong lu sư pơm, iĕm 'nĕ kơ tơrơ kơ tơdrong lu sư ngơ̆r.

I Pet 3:17

Phŏ phŏ 'Bok Kei-Dei wă kơ bơ̆n pơmat mơ̆n mă khan bơ̆n pơm 'lơ̆ng. Na tơ̆ng đe pơmat bơ̆n yua kơ bơ̆n pơm 'lơ̆ng, noh bơ̆n hiôk hloh kơ tơdrong đe pơmat bơ̆n yua kơ bơ̆n pơm kơnê̆.