I Pet 2:15 - Sơ̆p Hlabơar Nơ̆r 'Bok Kei-Dei

¹⁵ 'Bok Kei-Dei wă kơ bơ̆n pơm 'lơ̆ng ling-lang, thoi noh na lu bơngai ưh kơ hlôh pơŏm 'bơ̆r huay pă pơma kơ bơ̆n dơ̆ng.

I Pet 2:15 ပူးပေါင်းရင်းမြစ်များ

Jop 2:10

Mă-lei Jop khan kơ akăn sư: “Ih pơma thoi minh 'nu drŏ-kăn kơwao. Tơdrong pŭn hiôk đơ̆ng Kră Yang 'Bok Kei-Dei ăn, bơ̆n sơng iŏk; na tơdrong pơmat truh, ba wă ưh kơ iŏk hă?” Lăm đĭ dôm tơdrong noh, Jop ưh kơ đei pơma kơnê̆ 'bơm Kră Yang ôh.

Jop 5:16

Thoi noh lu bơngai dơnuh hoh đei chang hơmĕng, lu bơngai kơnê̆ Kră Yang pơŏm lê̆ 'bơ̆r.”

Horiso 107:42

Lu bơngai tơpăt 'bôh păng chhôk hơnôk. Gah bơngai pơm kơnê̆ lu sư pơŏm 'bơ̆r.

Horiso 5:5

Lu bơngai pơang ưh kơ kĕ dơ̆ng 'bơ̆t anăp Ih ôh; Ih areh kơ đĭ-đăng lu bơngai pơm kơnê̆.

Tơdrông Pơđơk 9:6

Lê̆ bĕ tơdrong kơwao, na ih đei arih; Kiơ̆ bĕ trong tơdrong hlôh wao.

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Mathiơ 25:2

Lăm lu sư noh đei pơđăm 'nu adruh đĕch kơchăng, pơđăm 'nu adruh ưh.

Mathiơ 7:26

Bơngai bu mơ̆ng nơ̆r Inh bơtho, mă ưh kơ pơm kiơ̆, bơngai 'noh thoi bơngai kơtul pơm hnam tơ pơlao chuơh.

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

Galati 3:1

Ơ bơngai Galati, iĕm ưh kơ hlôh tơpă iih, iĕm lui kiơ̆ kơ đe pơtuah iĕm? Sơ̆ nhôn bơtho iĕm nhên tơpă boih gah tơdrong Kră Yang Yêsu Krist lôch tang iĕm tơ 'long pơglang.

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

I Tes 4:3

Kră Yang 'Bok Kei-Dei wă kơ bơ̆n đei đon 'lơ̆ng tơpăt. Sư ưh kơ wă kơ bơ̆n pơm pơyô kư̆ kă ôh.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Pet 3:17

Phŏ phŏ 'Bok Kei-Dei wă kơ bơ̆n pơmat mơ̆n mă khan bơ̆n pơm 'lơ̆ng. Na tơ̆ng đe pơmat bơ̆n yua kơ bơ̆n pơm 'lơ̆ng, noh bơ̆n hiôk hloh kơ tơdrong đe pơmat bơ̆n yua kơ bơ̆n pơm kơnê̆.

I Pet 4:2

Kơplah bơ̆n oei arih tơ ala teh âu, bơ̆n 'nĕ pă kiơ̆ kơ jơhngơ̆m đon wă, bơ̆n athei kiơ̆ kơ 'Bok Kei-Dei wă đĕch.

II Pet 2:12

Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.