I Pet 1:4 - Sơ̆p Hlabơar Nơ̆r 'Bok Kei-Dei

⁴ Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.

I Pet 1:4 ပူးပေါင်းရင်းမြစ်များ

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Horiso 47:4

Sư rơih teh jang sa kơ lu nhôn jơ̆ tơdrong ư-ang Jakôpb mă sư 'mêm. Sêla

Êsai 66:22

Kră Yang khan: “Nhen thoi plĕnh 'nao teh 'nao mă inh pơjing gô oei kơjăp ling-lang 'bơ̆t anăp Inh thoi noh mơ̆n lu kon sâu iĕm păng anăn lu iĕm kư̆m oei kơjăp.

Êsêkiên 47:12

Tơ tơter jih đak krong 'bar pah đe pơtăm tôm kơ lu 'long plei sa, lu hla ưh kơ hơlŭng, lu 'long đei plei hơnơ̆ng, rim khei đei pơkao plei 'lơ̆ng yua kơ đei đak ro lĕch đơ̆ng hnam akŭm. Plei wă pơm tơmam sa păng yua wă pơm pơgang.”

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Markôs 10:17

Lăp Yêsu wă yak đơ̆ng ei Sư tơ'bơ̆p minh 'nu bơngai kơdâu tơkan năm tơ Sư, sơtơ̆p kŭl-tăng 'bơ̆t anăp Sư păng jet Sư thoi âu: “Ơ 'Bok Thây, Ih 'lơ̆ng tơpăt; inh pơm thoi yơ wă kơ oei hơdai hăm 'Bok Kei-Dei na arih ling-lang?”

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Kor 9:25

Lu bơngai mă wă pơđuơ băl kơdâu lu sư adrin pơm jơhngơ̆m chơ̆n pơtơ̆p rim năr 'mơ̆i na wă kơ kơdâu pran đei tơdrong apah agăl pơkao mă đe pơyơ̆l tơ kơ̆l yua kơ jei sư, dơning dơmônh kư̆m jô kro. Mă-lei gah bơ̆n athei adrin jang chă tơdrong apah mă ưh kơ layơ hiong tôch.

Galati 3:18

Mă tơpă 'Bok Kei-Dei wă tơgŭm bơ̆n yua kơ Sư pơkă kơ Abraham bơ̆n sơ̆, ưh kơ sĭ Sư wă tơgŭm bơ̆n yua kơ bơ̆n kiơ̆ tơdrong juăt Sư ôh. Dah 'Bok Kei-Dei tơgŭm bơ̆n yua kơ bơ̆n kiơ̆ tôm tơdrong Sư ată lei bơ̆n ưh kơ kăl kơ tơdrong Sư mơnat kơ bơ̆n tơdrong Sư khan wă tơgŭm kơ bơ̆n dơ̆ng.

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Êphêsô 1:14

Dang ei yua kơ bơ̆n đei Yang Bơhngol 'Lơ̆ng Sư, na bơ̆n băt kơ ning-mônh bơ̆n gô đei tôm tơdrong đêl Sư pơkă khan wă ăn kơ bơ̆n, na bơnê kơ Sư tơpă.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

Kôlôsê 3:24

Tơdrong iĕm jang gô đei sa apah, ưh kơ sĭ iĕm jang hoh hoh đĕch ôh. Iĕm jang tơdrong Yŏng bơ̆n Yêsu Krist na Sư gô ăn kơ iĕm dôm tơdrong hiôk 'lơ̆ng mă Sư wă ăn kơ dôm lu kon 'Bok Kei-Dei.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Hêbrơ 10:34

Iĕm băt mơnat kơ lu bôl iĕm đe tah lăm hnam phak, iĕm băt kơ năm ngôi hơpong tơ lu sư. Đe tơpleh iŏk mŭk tơmam iĕm, iĕm mơ̆ng đĕch huay kơ sơ'ngon tơdrong kiơ, yua kơ iĕm băt kơ iĕm gô đei mŭk tơmam tơ kơpal plĕnh ti 'lơ̆ng hloh păng ưh kơ băt hiong tăm.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.