I Pet 1:3 - Sơ̆p Hlabơar Nơ̆r 'Bok Kei-Dei

³ Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Pet 1:3 ပူးပေါင်းရင်းမြစ်များ

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

II Ho 31:8

Wă Hesekia păng lu yŏng pơgơ̆r truh, 'bôh lu pôi noh na bơnê ư-ang kơ Kră Yang păng kon pơlei Isơrael.

Horiso 41:13

Trŏ kơkuh bơnê kơ Kră Yang Kră Yang 'Bok Kei-Dei Isơrael Đơ̆ng âu truh tơ ning-mônh ling-lang A-men, A-men!

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Yo 1:13

Lu sư jing kon 'Bok Kei-Dei, kơlih kơ 'Bok Kei-Dei ăn, ưh kơ sĭ kiơ̆ kơ krung kơtum adrĕch adrung kon bơngai ôh.

Rom 12:12

Bơ̆n băt kơ ning-mônh 'Bok Kei-Dei wă ăn kơ bơ̆n oei hiôk jơnap tơpă, na dang ei bơ̆n kư̆m pơm hiôk thoi ning-mônh. Mă bơ̆n đei tơdrong gleh pơmat, mă đe hil areh kơ bơ̆n, bơ̆n kư̆ adrin jang khŏm khŏm đĕch, mă-lei 'nĕ hiơt tơdrong krao khan kơ 'Bok Kei-Dei.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

Rom 8:24

Thoi noh bơ̆n chang gô wă kơ jing kon Sư gơh tơplih jing akâu 'nao ning-mônh. Mă-lei dah tơdrong bơ̆n mă 'bôh boih păng băt boih bơ̆n ưh kơ kăl kơ chang gô ôh.

I Kor 13:13

Đei pêng tơdrong bơ̆n athei wei ling-lang, ưh kơ đei layơ tôch: Bơ̆n athei lui kơjăp, chang hơmĕng dôm tơdrong 'Bok Kei-Dei wă ăn kơ bơ̆n, athei băt 'mêm kơ 'Bok Kei-Dei hăm bôl buăl bơ̆n; mă-lei athei băt 'mêm kơ 'Bok Kei-Dei hăm bôl buăl bơ̆n kăl hloh.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

II Kor 1:3

Bơnê kơ 'Bok Kei-Dei 'Bă Yêsu Krist Yŏng bơ̆n, Sư 'Bă tơm bơ̆n 'mêm kơ bơ̆n dêh, Sư Kră Yang gơh pơlung bơ̆n tôm tơdrong kơplah bơ̆n đei tơdrong gleh truh pơmat-tat.

Galati 6:16

Inh apinh 'Bok Kei-Dei mơnat ăn kơ dôm lu bơngai lui kiơ̆ tơdrong noh, lu sư boih kon 'Bok Kei-Dei tơpă, lu sư boih đe anăn bơngai Isơrael. Inh apinh 'Bok Kei-Dei ăn kơ lu sư hiôk-hian.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 2:4

Mă-lei 'Bok Kei-Dei Sư oei 'mêm mơnat kơ bơ̆n tơpă;

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

I Tes 1:3

Nhôn oei 'blŏk hơdơ̆r ling-lang kơ iĕm lui kơjăp kơ Kră Yang Yêsu Krist, iĕm gơh 'mêm kơ Sư păng 'mêm mơnat kơ bôl buăl păng jang gleh tơpă tơdrong Sư. Nhôn oei 'blŏk hơdơ̆r kơ iĕm mơ̆n, iĕm đei tơdrong gleh pơmat-tat, iĕm oei khŏm adrin 'mơ̆i, yua kơ iĕm chang gô Kră Yang Yêsu Krist jur tơ ala teh âu dơ̆ng. 'Bă tơm bơ̆n 'Bok Kei-Dei kư̆m 'bôh mơ̆n dôm lu tơdrong iĕm jang kơ Sư 'noh.

I Tes 4:13

Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 1:23

Tơdrong bơ̆n tơpŭ ming 'nao ưh kơ sĭ đơ̆ng kon bơngai pơjing ôh, yua kơ kon bơngai nŏng kơ lôch; tơdrong tơpŭ ming 'nao đơ̆ng 'Bok Kei-Dei pơjing, 'Bok Kei-Dei ưh kơ layơ lôch. Sư pơjing bơ̆n jing bơngai 'nao yua kơ bơ̆n lui kơ nơ̆r Sư pơma, nơ̆r Sư ưh kơ layơ tơplih. Yua kơ nơ̆r Sư, na bơ̆n gơh arih ling-lang.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

I Pet 3:5

Lu bơngai drŏ-kăn kră sơ̆, lu sư pơguăng akâu thoi noh, lui gơnang kơ 'Bok Kei-Dei đĭ jơhngơ̆m, chu yom kơ klo sư, dôm noh đĕch mă-lei đe băt kơ sư bơngai 'lơ̆ng boih.

I Yo 2:29

Iĕm băt kơ Yêsu Krist pơm 'lơ̆ng tơpăt. Thoi noh iĕm kư̆m băt bơngai bu pơm 'lơ̆ng tơpăt, bơngai 'noh boih kon 'Bok Kei-Dei.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.

I Yo 3:9

Bơngai bu kon 'Bok Kei-Dei, bơngai 'noh sư ưh pă pơm yoch khŏm khŏm dơ̆ng ôh kơlih kơ sư tơpŭ ming 'nao jing kon 'Bok Kei-Dei boih. Sư kon 'Bok Kei-Dei na sư ưh kơ gơh pơm yoch kư̆m thoi 'Bă sư 'Bok Kei-Dei ưh kơ pơm yoch.

I Yo 4:7

Ơ lu 'nhŏng oh mă juăt păng inh, bơ̆n athei 'mêm mơnat dih băl yua kơ 'Bok Kei-Dei ăn kơ lu bơngai mă khŭl kon Sư athei 'mêm mơnat dih băl. Bơngai bu 'mêm mơnat kơ 'nhŏng oh sư, bơngai 'noh sư kon 'Bok Kei-Dei păng sư băt kơ 'Bok Kei-Dei tơpă.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:18

Bơ̆n băt boih dôm lu bơ̆n kon 'Bok Kei-Dei ưh kơ gơh pơm yoch khŏm khŏm ôh kơlih kơ Yêsu Kon 'Bok Kei-Dei, Sư wei-lăng bơ̆n, na yang Satan ưh kơ gơh pơrăm lu bơ̆n ôh.

I Yo 5:4

Kơlih kơ dôm tơdrong lĕch đơ̆ng ala teh âu jei lu kon 'Bok Kei-Dei ngăl. Dôm lu tơdrong lĕch đơ̆ng ala teh âu thuơ kơ bơ̆n kơlih kơ bơ̆n lui kơjăp.