I Pet 1:25 - Sơ̆p Hlabơar Nơ̆r 'Bok Kei-Dei

²⁵ mă-lei gah nơ̆r 'Bok Kei-Dei ưh kơ layơ hiong tôch ôh.” Nơ̆r noh boih tơdrong 'nao 'lơ̆ng mă đe bơtho ăn kơ iĕm.

I Pet 1:25 ပူးပေါင်းရင်းမြစ်များ

Horiso 102:12

Mă-lei ơ Kră Yang! Ih oei pơm pơtao ling-lang. 'Blŏk kơ anăn Ih đĭ jơhnơr.

Horiso 102:26

Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 119:89

Ơ Kră Yang, nơ̆r Ih oei kơjăp ling-lang tơ kơpal plĕnh;

Êsai 40:6

Đei nơ̆r khan: “Krao ôr bĕ!” Inh jet: “Inh gô krao lơliơ?” “Đĭ-đăng kon bơngai nhen thoi 'nhĕt. Tơdrong 'lơ̆ng sư nhen thoi pơkao tơ bri brah.

Êsai 40:8

'Nhĕt kro, pơkao hơlŭng: Mă-lei nơ̆r Kră Yang 'Bok Kei-Dei lu bơ̆n oei kơjăp ling-lang!”

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Luka 16:17

Mă-lei dôm tơdrong juăt 'Bok Kei-Dei pơkă, ưh kơ layơ hiong mă minh tơdrong iĕ ioch đơ̆ng Sư pơkă, mă truh tơ plĕnh teh hiong tôch ning-mônh, sư oei khŏm khŏm.

Yo 1:1

Đei minh 'nu Sư dang nơ̆r 'Bok Kei-Dei, Sư jur tơ bơ̆n wă kơ bơ̆n hlôh tơdrong 'Bok Kei-Dei. Đơ̆ng blŭng-a sơ̆ tam đei plĕnh teh, Sư đei boih. Sư oei hơdai păng Kră Yang 'Bok Kei-Dei, mă Sư kư̆m Kră Yang 'Bok Kei-Dei mơ̆n.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

I Kor 2:2

Kơplah noh sơ̆ inh bơtho iĕm gah tơdrong Yêsu đĕch păng gah tơdrong Sư lôch tơ 'long pơglang, ưh kơ đei tơdrong nai ôh.

Êphêsô 2:17

Yêsu Krist jur bơtho tơdrong hiôk-hian kơ lu iĕm bơngai nai mă ataih kơ Sư sơ̆; lu bơngai Juđê mă ưh kơ ataih kơ Sư, Sư kư̆m bơtho mơ̆n.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Hêbrơ 6:5

sư băt kơ tơdrong 'Bok Kei-Dei 'lơ̆ng tơpă boih, sư 'bôh nhên boih tơdrong mơsêh Yêsu kư̆m lei-lăi thoi Sư wă pơgơ̆r ning-mônh,

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Pet 1:23

Tơdrong bơ̆n tơpŭ ming 'nao ưh kơ sĭ đơ̆ng kon bơngai pơjing ôh, yua kơ kon bơngai nŏng kơ lôch; tơdrong tơpŭ ming 'nao đơ̆ng 'Bok Kei-Dei pơjing, 'Bok Kei-Dei ưh kơ layơ lôch. Sư pơjing bơ̆n jing bơngai 'nao yua kơ bơ̆n lui kơ nơ̆r Sư pơma, nơ̆r Sư ưh kơ layơ tơplih. Yua kơ nơ̆r Sư, na bơ̆n gơh arih ling-lang.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

I Yo 1:3

Dôm tơdrong nhôn 'bôh păng kơtơ̆ng nhôn wă roi ăn kơ iĕm, wă kơ iĕm juăt păng nhôn, na 'Bok Kei-Dei păng Kon Sư Yêsu Krist juăt đĭ-đăng rim 'nu kơ bơ̆n.

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.