I Pet 1:24 - Sơ̆p Hlabơar Nơ̆r 'Bok Kei-Dei

²⁴ Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,

I Pet 1:24 ပူးပေါင်းရင်းမြစ်များ

II Pot 19:26

Kon pơlei lăm dôm lu pơlei noh đĭ rơdu rơmơ̆n, lu sư hli tơrơ păng hơwơ̆l hơwang; lu sư lei-lăi thoi 'nhĕt tơ bri, thoi 'long 'nhĕt 'nao bluh thoi 'nhĕt chăt kơpal bơbŭng hnam jô kro kơplah oei 'lơ̆p, ưh kơ tam kơjung.

Jop 14:2

Chăl arih kon bơngai thoi pơkao, pơgê tơlang kơsơ̆ jô kro, Sư hloh hlôi thoi ngôi, ưh kơ dơ̆ng.

Horiso 102:4

Jơhngơ̆m inh đe pơjuă, jô kro thoi 'nhĕt. Dĭng inh mah hiơt kơ sŏng sa.

Horiso 103:15

Chăl arih kon bơngai thoi 'nhĕt. Sư arih thoi pơkao tơ lăm mir

Horiso 129:6

Lê̆ lu sư thoi 'nhĕt tơ bơbŭng hnam, jô kro đĭ adrol kơ chăt.

Horiso 37:2

Thoi 'nhĕt lu sư gô jô kro păng thoi 'nhĕt hơdrih lu sư gô jô hŏnh.

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Horiso 90:5

Ih pơm kơ lu sư hoch kiơ̆ đak lơ̆p ro. Thoi kơ tep lôch. Lu sư thoi hla 'nhĕt chăt hơdrih pơgê hrôih.

Horiso 92:7

Mă khan lu bơngai pơm kơnê̆ chăt hrôh thoi 'nhĕt, Lu bơngai pơm kơnê̆ iung mơdrŏng, noh 'măn lê̆ kơ lu sư wă hiong răm ling-lang hlŏng hloi.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Mathiơ 6:30

Tơdrong lui iĕm rơdu dêh, iĕm kuă kơ kiơ tơchĕng kơ lu pơkao 'nhĕt bri brah: Sư 'bônh kơ hơlŭng, klaih hơlŭng đe soh hŭt lê̆ lăm ŭnh, mă-lei 'Bok Kei-Dei kư̆m ăn kơ sư 'lơ̆ng dang noh, pơma kiơ kơ iĕm kon bơngai kăl hloh kơ sư, 'Bok Kei-Dei gô ăn kơ iĕm hơbĕn ao tơpă.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.

I Yo 2:17

Ala teh âu dôm tơdrong kon bơngai 'maih iŏk gô răm, mă-lei dah bơngai bu pơm trŏ thoi 'Bok Kei-Dei wă, bơngai 'noh gô arih ling-lang.