I Pet 1:16 - Sơ̆p Hlabơar Nơ̆r 'Bok Kei-Dei

¹⁶ yua kơ Sư đei khan tơ lăm sơ̆p hla bơar Sư thoi âu: “Iĕm athei pơm mă 'lơ̆ng tơpăt, yua kơ Inh 'lơ̆ng tơpăt.”

I Pet 1:16 ပူးပေါင်းရင်းမြစ်များ

Êsai 35:8

Tơ noh gô đei minh pôm trong glung tih. Minh pôm trong đe krao trong 'Lơ̆ng Rơgoh. Bơngai 'mê̆-'mach ưh kơ gơh năm trong noh. Mă-lei 'măn lu bơngai kiơ̆ Kră Yang năm trong noh. Mă khan đơ̆ng kơ hlôh kơwao kư̆m huay kơ jrok.

Lêwi 11:44

Yua kơ Inh boih Kră Yang 'Bok Kei-Dei lu iĕm, Inh 'lơ̆ng rơgoh, lu iĕm kư̆m athei oei rơgoh, na gơh rơgoh tơpă. Lu iĕm 'nĕ kơ ăn minh pôm kon sem kiơ mơmŏ kơpal teh mă pơm kơ lu iĕm jing kơnê̆ 'mê̆-'mach.

Lêwi 11:45

Yua kơ Inh boih Kră Yang Tơ'ngla mă anhăk ba lu iĕm lĕch đơ̆ng char Êyiptơ jing Kră Yang 'Bok Kei-Dei lu iĕm, lu iĕm athei rơgoh 'lơ̆ng, yua kơ Inh 'lơ̆ng rơgoh.

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Lêwi 20:7

Lu iĕm athei wei akâu iĕm jing 'lơ̆ng rơgoh, yua kơ Inh jơ̆ Kră Yang 'Bok Kei-Dei lu iĕm.

Am 3:3

Tơdah 'bar 'nu ưh kơ lăp đon băl, lei bre sư hăm gơh yak minh pôm trong?