I Pet 1:12 - Sơ̆p Hlabơar Nơ̆r 'Bok Kei-Dei

¹² 'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Pet 1:12 ပူးပေါင်းရင်းမြစ်များ

Le 25:20

'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat.

Tơdrông Pơđơk 1:23

'Bơ̆t Inh chrih, lu iĕm wih mơ̆ng bĕ, 'nâu, Inh wă tuh jơhngơ̆m đon Inh tơ lu iĕm; Inh gô tơbăt ăn kơ iĕm nơ̆r Inh.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.

Da 12:13

Bê̆ ih năm bĕ, dĭng truh chăl tôch. Ih gô pơdơh; păng truh tơ năr tôch ei, ih gô iung arih na iŏk tơmam apah.

Da 12:9

Sư tơl thoi âu: Ơ Đaniel, năm bĕ; yua kơ dôm lu nơ̆r âu đei chih lê̆ boih păng đei chơ̆m pơsĭt kơ chăl tuch-luch ei.

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Jôel 2:28

Năr ei kơnh Inh gô tuh ăn Yang Bơhngol 'Lơ̆ng Inh kơ đĭ-đăng kon bơngai. Lu kon drŏ-nglo kon drŏ-kăn gô pơma khan lê̆ adrol; dôm lu kră iĕm gô hơpo 'bôh, păng dôm lu kon hơ'lơ̆p iĕm gô 'bôh tơdrong tơ'bôh đơ̆ng Kră Yang.

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Markôs 16:15

Yêsu khan kơ lu sư: “Iĕm athei năm jơ̆p-jang kơ teh đak bơtho tơdrong 'nao 'lơ̆ng kơ đĭ-đăng bơngai.

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Luka 2:26

Yang Bơhngol 'Lơ̆ng tơbăt ăn kơ sư, hơdrol sư lôch sư gô 'bôh 'Bok Krist mă 'Bok Kei-Dei wơh wă pơklaih kon bơngai bơ̆n.

Luka 9:6

Lăp Yêsu bơtho lu bơngai pơhrăm păng Sư đang boih, na lu sư năm jơ̆p kơ pơlei chă bơtho tơdrong 'nao 'lơ̆ng păng pơklaih bơngai jĭ jăn.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Jang 10:44

Kơplah Pêtrôs oei pơma na Yang Bơhngol 'Lơ̆ng jur oei tơ rim 'nu lu bơngai mă mơ̆ng nơ̆r Sư bơtho.

Jang 16:10

Pôl apo 'bôh thoi noh, sư hơđơ̆r đơ̆ng tep khan hloi kơ nhôn hơmet tơmam yak năm tơ dêh char Masêđôn, yua kơ nhôn băt kơ 'Bok Kei-Dei krao nhôn bơtho Tơdrong 'Nao 'Lơ̆ng Sư tơ char Masêđôn boih.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 4:8

Na Pêtrôs 'bĕnh kơ Yang Bơhngol 'Lơ̆ng khan kơ lu sư thoi âu: “Ơ đe kră sek tơlang păng kră pơgơ̆r lu bơngai Juđê,

Jang 8:25

Na tơ Pơlei Samari bre Pêtrôs păng Yôhan bơtho tơdrong Kră Yang Yêsu păng roi dôm tơdrong sư 'bôh Yêsu pơm sơ̆. Klaih kơ noh bre sư wih tơ Pơlei Jêrusalem dơ̆ng. Kơplah bre sư oei yak rok trong, bre sư mơ̆t drong lơ tơ pơlei đe wă bơtho rah Tơdrong 'Nao 'Lơ̆ng Yêsu tơ pơlei đe lăm dêh char Samari.

Rom 1:15

Yua kơ thoi noh na inh hưch hanh hmăng dah truh tơ iĕm wă bơtho tơdrong 'nao 'lơ̆ng sư.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:15

Kră Yang ưh kơ đei wơh đe năm bơtho, thoi yơ đe gơh năm bơtho adrol? Mă-lei Sư đei wơh đe năm bơtho boih, yua kơ hla bơar Sư đei roi thoi âu: “Bơ̆n 'bôh đe bơtho tơdrong 'nao 'lơ̆ng jơhngơ̆m bơ̆n hiôk dêh iih?”

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

I Kor 2:10

Mă-lei 'Bok Kei-Dei ăn kơ bơ̆n Yang Bơhngol 'Lơ̆ng tơbăt ăn kơ bơ̆n tơdrong 'noh, yua kơ Yang Bơhngol 'Lơ̆ng băt tôm tơdrong 'Bok Kei-Dei mă jrŭ dang yơ.

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

II Kor 6:6

nhôn pơm 'lơ̆ng ling-lang, wă kơ đĭ-đăng bơngai băt kơ nhôn bơngai jang 'lơ̆ng jang tơpăt. Nhôn hlôh hlăi tơdrong 'Bok Kei-Dei thoi yơ, nhôn pơm kiơ̆ thoi ei; mă đe pơm kơnê̆ kơ nhôn, nhôn ưh kơ pơm tơwih ôh; nhôn dui jơhngơ̆m tai, wă kơ dim ling-lang. Nhôn gơnang kơ Yang Bơhngol 'Lơ̆ng tơgŭm nhôn pơm 'lơ̆ng. Nhôn bơngai 'mêm kơ bôl buăl tơpă ưh kơ sĭ chă pơpơm đĕch ôh;

Galati 1:12

Kon bơngai ưh kơ đei bơtho inh tơdrong noh, pôm Yêsu Krist đĕch tơbăt kơ inh tơdrong 'nao 'lơ̆ng Sư.

Galati 1:16

Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

I Tes 2:9

Ơ 'nhŏng oh, iĕm hăm băt tơchĕng tơdrong nhôn bơ̆jang gleh tơpă dah ưh? Nhôn bơ̆jang bơtho rah păng jang rah păng ti 'me akâu nhôn kơdih, nhôn wă kơ iĕm huay mơnat kơ nhôn tơmam sa lăm nhôn bơtho iĕm tơdrong 'nao 'lơ̆ng 'Bok Kei-Dei ki.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.

I Pet 1:25

mă-lei gah nơ̆r 'Bok Kei-Dei ưh kơ layơ hiong tôch ôh.” Nơ̆r noh boih tơdrong 'nao 'lơ̆ng mă đe bơtho ăn kơ iĕm.

I Pet 4:6

Lu bơngai lôch boih đe kư̆m bơtho lu sư tơdrong 'nao 'lơ̆ng mơ̆n, gah akâu akar sư 'Bok Kei-Dei dang sek tơlang boih na sư lôch. Đĭ rim măt bơngai lei-lăi tă gô tơ'bơ̆p tơdrong thoi noh, mă-lei bơhngol lu sư ưh kơ lôch ôh, bơhngol lu sư oei arih hiôk hăm 'Bok Kei-Dei đĕch.

Tơdrông Tơ'bôh 5:11

Đơ̆ng noh inh 'bôh dơ̆ng tăp dăr kơ tang-dŏ 'Bok Pơtao păng tăp dăr puăn anăn hăm 'bar-jĭt puăn 'nu lu đe kră ei, inh 'bôh lơlang lơlap ưh kơ băt dôm yơ rơbâu hơngan trĭu 'nu lu linh jang 'lơ̆ng.