I Pet 1:10 - Sơ̆p Hlabơar Nơ̆r 'Bok Kei-Dei

¹⁰ Lu bơngai pơtruh nơ̆r 'Bok Kei-Dei sơ̆, lu sư khan lê̆ kơ bơ̆n hơdrol gah tơdrong 'Bok Kei-Dei 'mêm mơnat wă tơgŭm bơ̆n dang ei. Kơplah noh sơ̆ lu sư ưh tam băt tôm tơdrong 'Bok Kei-Dei wă pơklaih bơ̆n ôh. Na lu sư adrin pơhrăm tơdrong noh.

I Pet 1:10 ပူးပေါင်းရင်းမြစ်များ

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Tơdrông Pơđơk 2:4

Tơdah ih chơchă sư thoi chă jên kăk, Păng chă sư thoi tơmam gĭt khăi,

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Sa 6:12

Khan bĕ kơ sư, Kră Yang Tih hloh khan: ‘'Nâu, đei minh 'nu anăn dơ̆ng, sư gô chăt đơ̆ng ih păng bơngai noh gô pơjing hnam kơkuh kơ Kră Yang.

Mathiơ 13:17

Inh khan kơ iĕm tơpă, đei lơ bơngai pơtruh nơ̆r 'Bok Kei-Dei păng lơ bơngai lui kơ 'Bok Kei-Dei sơ̆ sơdơ̆r kơ 'bôh tơdrong iĕm 'bôh dang ei ră mă-lei lu sư ưh kơ tam 'bôh ôh; lu sư 'maih mơ̆ng dôm tơdrong iĕm kơtơ̆ng dang ei ră, mă-lei lu sư ưh kơ tam kơtơ̆ng ôh.

Mathiơ 26:24

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Luka 10:24

Inh khan kơ iĕm tơpă, đei lơ bơngai pơtruh nơ̆r 'Bok Kei-Dei păng lu đe 'bok pơtao sơ̆ 'maih 'bôh tơpă dôm tơdrong mă iĕm 'bôh dang ei ră, mă-lei lu sư ưh kơ đei 'bôh ôh. Lu sư 'maih mơ̆ng dôm tơdrong iĕm kơtơ̆ng dang ei ră, mă-lei lu sư ưh kơ đei kơtơ̆ng ôh.”

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 17:11

Lu bơngai Pơlei Bêrê ưh kơ sĭ thoi bơngai Pơlei Têsalônik ôh. Lu sư wă mơ̆ng kơchăng tơpă. Rim năr lu sư lăng sơ̆p hla bơar 'Bok Kei-Dei wă kơ băt tơdrong Pôl bơtho tơpă dah ưh.

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 11:40

'Bok Kei-Dei wă kơ lu sư gô hơdai bơ̆n dang ei iŏk tơdrong hiôk 'lơ̆ng đêl Sư pơkă, wă khan tơdrong Yêsu Krist jur dŏng pơklaih bơ̆n.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.