I Kor 9:9 - Sơ̆p Hlabơar Nơ̆r 'Bok Kei-Dei

⁹ Tơ lăm sơ̆p hla bơar tơdrong juăt Môis đei chih thoi âu: “Iĕm 'nĕ kơ trôp 'bơ̆r rơmo kơplah sư oei jang juă hơnong 'ba.” 'Bok Kei-Dei pơma thoi noh Sư pơma gah tơdrong Sư mơnat kơ rơmo,

I Kor 9:9 ပူးပေါင်းရင်းမြစ်များ

Horiso 104:27

Đĭ-đăng lu sem brem chang gô Ih ăn tơmam sa kơ lu sư kiơ̆ kơ lăp.

Tơdrông Pơđơk 12:10

Bơngai tơpăt băt wei sem dơrong; tơdrong bơngai kơnê̆ khan 'mêm noh lăp pơm kơnê̆.

Êsai 28:28

Đe peh 'ba mi pơm 'bĕng, 'ba mi noh đe rŏl mă-lei đe ưh kơ preh sư hơnơ̆ng ôh, mă đơ̆ng tang-wang gre aseh dah jơ̆ng aseh juă găr sư, mă-lei găr sư ưh kơ hĕch ôh.

Jôna 4:11

Na Inh ưh kơ 'mêm kơ pơlei Niniwe ôh hă, lăm noh đei hloh kơ minh-hrĕng 'bar-jĭt rơbâu kơ̆l kon bơngai ưh kơ băt ti gah 'ma liơ dah ti gah 'ngiĕo liơ păng kư̆m đei lơ sem dơrong hai?

Rom 4:23

Mă-lei tơdrong chih roi noh ưh kơ sĭ jô̆ kơ Abraham đĕch ôh.

Both 25:4

'Nĕ kơ trôp 'bơ̆r rơmo kơplah oei juă hơnong 'ba.

Both 5:14

Mă-lei lăm năr tơpơh noh năr pơdơh Kră Yang 'Bok Kei-Dei iĕm; 'nĕ kơ bơ̆jang minh tơdrong kiơ, kon drŏ-nglo kon drŏ-kăn iĕm, đĭch drŏ-nglo đam drŏ-kăn iĕm, dah rơmo, aseh iĕm, dah lu sem dơrong iĕm, dah lu tơmoi chă oei pơdơh lăm hnam iĕm, wă kơ lu đĭch đam drŏ-nglo drŏ-kăn iĕm kư̆m pơdơh thoi iĕm mơ̆n.

I Tim 5:18

Ih athei pơm thoi noh yua kơ sơ̆p hla bơar 'Bok Kei-Dei khan thoi âu; mă mônh: “Iĕm 'nĕ kơ trôp 'bơ̆r rơmo kơplah sư oei jang juă hơnong 'ba.” Mă 'bar: “Bơngai jang athei đei sa apah.” Thoi noh na bơngai bơtho lei-lăi mơ̆n, iĕm athei apah jên kiơ̆ kơ sư jang.