I Kor 9:7 - Sơ̆p Hlabơar Nơ̆r 'Bok Kei-Dei

⁷ Lu bơngai pơm linh ưh kơ biơh layơ 'me sa kơdih ôh. Yŏng sư apah jên rim khei. Bơngai jang mir, bơngai 'noh gô sa tơmam đơ̆ng mir sư mơ̆n. Lu bơngai rong kon triu, lu sư sa đak toh kon triu.

I Kor 9:7 ပူးပေါင်းရင်းမြစ်များ

Tơdrông Pơđơk 27:18

Bơngai bu bơwei tơm hơra, gô sa plei sư; Bu chu bơwei yŏng sư, đe gô pơyom.

Tơdrông Pơđơk 27:27

Đak toh bơbe pơm tơmam sa kơ ih hăm lu bơngai lăm hnam, Ih păng kơ lu đam drŏ-kăn ih arih sa.

Hơri Hiôk 8:12

Pơgar hơmu inh 'măn lê̆ kơ inh bơih. Ơ Sôlômôn, minh-rơbâu hlak jên hu noh gô lê̆ kơ ih. Bĕ oei 'bar-hrĕng hlak noh apah lu bơngai jang pơgar noh.

Êsai 7:22

Yua kơ sư đei đak toh jrah jrai na sư gô sa đak toh krăl, yua kơ lu bơngai oei oei lăm dêh noh sư 'me akâu sư păng đak toh krăl hăm đak sut.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Both 18:8

Bơngai noh kư̆m oei đei asong tơmam sa lei-lăi lăm lu 'nhŏng oh sư, mă khan sư đei boih jên đơ̆ng tĕch tơmam hnam dơnŏ sư.

Both 20:6

Bơngai bu hlôi pơm pơtăm minh hlak pơgar hơmu păng tam mă phĕ sa plei? Brŏk bĕ tơ hnam sư, kơnh hli kơ lôch lăm năr tơblah, na lê̆ kơ bơngai nai phĕ sa plei noh.

I Tim 1:18

Ơ dăm Timôthê, ih pơm dôm tơdrong inh athei ih âu hŏ. Ih pơm kư̆m thoi lu bơngai khan lê̆ hơdrol pơkă gah ih sơ̆. Ih 'blŏk kơ tơdrong sư pơkă 'noh wă kơ ih nuih kơ tơblah hăm yang kơnê̆,

I Tim 6:12

Pơtih gia lu bơngai kơdâu pơjei, bơngai bu mă kơdâu adrin tơpă jei sư, bơngai 'noh sư gô đei apah. Mă ih kư̆m lei-lăi athei adrin mă tơpă, lui mă kơjăp na jei ih, na ih gô đei iŏk tơdrong arih tơ plĕnh ling-lang. Hơtai ih lui tơm hmơm sơ̆, đe krao khan kơ ih đang boih, na ih pơma 'bơ̆t anăp đe tơpôl lơ khan ih wă tơpă lui kơ Yêsu Krist. Đơ̆ng noh sơ̆ boih 'Bok Kei-Dei ăn kơ ih arih ling-lang.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.