I Kor 9:3 - Sơ̆p Hlabơar Nơ̆r 'Bok Kei-Dei

³ Rim kơ đe jô̆ kơ inh khan ưh kơ trŏ kơ jơ̆ng 'bang Yêsu Krist krô inh kư̆m khan kơ lu sư thoi noh hei mơ̆n.

I Kor 9:3 ပူးပေါင်းရင်းမြစ်များ

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Jang 25:16

Mă-lei inh khan kơ sư lu bơngai Rôm ưh kơ pơm thoi noh ôh. Tơdah jâu bơngai bu, đe athei jâu bơngai ei 'bơ̆t anăp sư hloi hăm ăn kơ sư pơma dih băl. Tơdah tam mă pơma pơjăng dih băl, ưh kơ gơh phak sư ôh.

I Kor 14:37

Bơngai bu băt kơdih sư khan sư bơngai pơtruh tơdrong 'Bok Kei-Dei kơ đe păng lu bơngai bu nai khan sư đei Yang Bơhngol 'Lơ̆ng tơgŭm sư hơgei gơh pơm tơdrong kiơ kiơ, lu bơngai noh sư athei băt tôm tơdrong inh chih ată đơ̆ng Yêsu Krist tơpă yơh.

I Kor 9:2

Mă đe nai khan inh bơngai ưh kơ trŏ kơ jơ̆ng 'bang Yêsu kư̆m bưh mơ̆n, mă-lei gah iĕm, iĕm băt kơ inh bơngai jơ̆ng 'bang Yêsu tơpă, yua kơ iĕm lui kơ Sư đơ̆ng inh bơtho iĕm.

I Kor 9:4

Nhi 'Barna'ba bơngai jang tơdrong 'Bok Kei-Dei ưh kơ gơh apinh tơmam sa iĕm ôh hă?

II Kor 13:10

Âu kơplah inh oei krŭl na inh chih kơ iĕm thoi noh, wă kơ mưh inh truh tơ iĕm, inh huay pă kăl kơ bơtho iĕm boih. Tơdrong bơtho noh đơ̆ng Kră Yang Yêsu Krist ăn kơ inh, wă kơ inh bơtho iĕm thoi noh, wă kơ inh tơgŭm iĕm rai đunh rai lui kơjăp; ưh kơ sĭ wă pơglăi iĕm ôh.

II Kor 13:3

Thoi noh na kơnh pơgê iĕm gô băt kơ Yêsu Krist yua 'bơ̆r inh pơma kơ iĕm. Sư ưh kơ rơdu kơ iĕm ôh, Sư jang lăm lu iĕm kơtang tơpă.

II Kor 13:5

Iĕm athei pơlong lăng tơdrong arih iĕm, hăm thoi bơngai lui tơpă dah ưh. Iĕm hăm băt kơ Yêsu Krist oei hơdai iĕm? Hli kơ iĕm ưh kơ lui kơ Sư đĕch, na Sư ưh kơ oei hơdai iĕm.

Philip 1:17

Mă gah lu bơngai bơtho tơgar noh, lu sư bơtho yua kơ lu sư 'nhĕng inh đĕch na lu sư bơtho. Ưh kơ sĭ lu sư wă bơtho tơpă ôh. Lu sư bơtho pơ'nhĕng inh wă kơ inh sơ'ngon rai dêh kơplah đe oei phak inh âu.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

II Tim 4:16

Đe sek tơlang inh minh 'măng boih, inh pơma dŏng akâu inh kơdih ưh kơ đei bu tơdŏng inh. Đĭ-đăng lu sư tŭk inh. Inh kư̆m apinh 'Bok Kei-Dei huay jô̆ yo kơ lu sư mơ̆n.