I Kor 9:26 - Sơ̆p Hlabơar Nơ̆r 'Bok Kei-Dei

²⁶ Thoi noh na inh adrin kơdâu tơng-lơ̆ ưh kơ đei weh-woh tơ̆p truh tơ anih đêl đe pơkă 'mơ̆i. Păng inh ưh kơ sĭ thoi lu bơngai mă chok ưh kơ 'bơm ôh.

I Kor 9:26 ပူးပေါင်းရင်းမြစ်များ

Mathiơ 11:12

Đơ̆ng Yôhan bơtho sơ̆ truh dang ei đei lơ bơngai adrin tơpă wă kơ 'Bok Kei-Dei pơgơ̆r lu sư.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

I Kor 14:9

Tơdrong pơma nơ̆r hlĭch kư̆m thoi noh mơ̆n, tơdah bơ̆n nŏng kơ pơma mă-lei đe nai ưh kơ hlôh minh tơdrong kiơ, thoi yơ gơh yua kơ bôl?

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

II Kor 5:8

Dang ei jơhngơ̆m nhôn oei hiôk ling-lang chang dah oei hơdai Kră Yang Yêsu Krist hiôk-hian ling-lang.

Galati 2:2

Inh năm tơ Pơlei Jêrusalem yua kơ 'Bok Kei-Dei athei inh năm. Inh akŭm păng lu bơngai pơm tih pơgơ̆r bơngai lui, wă roi kơ lu sư tơdrong 'nao 'lơ̆ng inh bơtho kơ lu bơngai mă ưh kơ khŭl Juđê. Nhôn akŭm kơdrô̆ nhôn đĕch. Inh roi kơ lu sư nhên gah tơdrong inh bơtho wă kơ lu sư băt dôm tơdrong inh bơtho noh, jĭ minh tơdrong trŏ tơpă. Dah inh ưh kơ roi kơ lu sư, lei inh hli kơ lu sư jô̆ kơ inh bơtho tơdrong ưh kơ tơpă. Mă-lei lu sư ưh kơ đei jô̆ kơ tơdrong jang inh khan tơdrong jang ưh kơ tơpă, lu sư ưh kơ đei khan thoi noh ôh.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Philip 1:21

Dah inh oei arih, inh oei pơư pơang kơ đe anăn Yêsu; dah inh lôch inh oei hơdai hăm Sư boih, 'noh rai hiôk hloh.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

II Tim 2:5

Âu nơ̆r pơtih gia dơ̆ng, gah tơdrong pơjei băl kơdâu: Bơngai bu kơdâu ưh kơ kĕ na khô̆i jơ̆ng buăl sư dah tơlơ̆ buăl sư, bơngai 'noh đe ưh kơ apah sư tơmam ôh, kơlih kơ sư ưh kơ kiơ̆ nơ̆r đe pơkă adrol kơ lu sư wă kơdâu hei.

II Tim 4:7

Thoi lĕ bơngai pơm linh tơblah sư adrin tơpă, na inh kư̆m adrin thoi noh mơ̆n đơ̆ng sơ̆ khơ̆ dang ei. Inh chu jang kơ 'Bok Kei-Dei truh tơ inh lôch, kư̆m thoi bơngai pơjei băl kơdâu sư adrin tôch kơ trong đêl đe pơkă 'mơ̆i na gơh pơdơh. Na inh kư̆m lei-lăi, inh kư̆m ưh kơ achăng lê̆ tơdrong lui inh.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

Lu 3:2

Sư wă pơlong lăng lu bơngai Isơrael, wă pơhrăm pơjuăt lu sư tơdrong tơblah, mă loi lu bơngai tam đei 'bôh tơdrong tơblah sơ̆: