I Kor 9:25 - Sơ̆p Hlabơar Nơ̆r 'Bok Kei-Dei

²⁵ Lu bơngai mă wă pơđuơ băl kơdâu lu sư adrin pơm jơhngơ̆m chơ̆n pơtơ̆p rim năr 'mơ̆i na wă kơ kơdâu pran đei tơdrong apah agăl pơkao mă đe pơyơ̆l tơ kơ̆l yua kơ jei sư, dơning dơmônh kư̆m jô kro. Mă-lei gah bơ̆n athei adrin jang chă tơdrong apah mă ưh kơ layơ hiong tôch.

I Kor 9:25 ပူးပေါင်းရင်းမြစ်များ

I Kor 15:54

Thoi noh akâu bơ̆n mă ling-lang kơ ôm hach, iŏk tơplih boih akâu 'nao mă ưh kơ ôm hach, akâu bơ̆n ling-lang kơ lôch, iŏk tơplih boih akâu 'nao mă ưh kơ lôch, 'noh 'blep trŏ thoi đe chih khan lê̆ hơdrol sơ̆ thoi âu: “Tơdrong lôch ưh pă đei boih, jei bơ̆n boih.”

Galati 5:23

iŏk đon ala, gơh gơ̆t, dôm tơdrong 'lơ̆ng 'noh yua kơ đơ̆ng Yang Bơhngol 'Lơ̆ng tơgŭm bơ̆n ngăl. Tơdrong juăt 'Bok Kei-Dei ưh kơ đei găn khă ôh dôm lu tơdrong 'lơ̆ng noh.b

I Tim 6:12

Pơtih gia lu bơngai kơdâu pơjei, bơngai bu mă kơdâu adrin tơpă jei sư, bơngai 'noh sư gô đei apah. Mă ih kư̆m lei-lăi athei adrin mă tơpă, lui mă kơjăp na jei ih, na ih gô đei iŏk tơdrong arih tơ plĕnh ling-lang. Hơtai ih lui tơm hmơm sơ̆, đe krao khan kơ ih đang boih, na ih pơma 'bơ̆t anăp đe tơpôl lơ khan ih wă tơpă lui kơ Yêsu Krist. Đơ̆ng noh sơ̆ boih 'Bok Kei-Dei ăn kơ ih arih ling-lang.

II Tim 2:5

Âu nơ̆r pơtih gia dơ̆ng, gah tơdrong pơjei băl kơdâu: Bơngai bu kơdâu ưh kơ kĕ na khô̆i jơ̆ng buăl sư dah tơlơ̆ buăl sư, bơngai 'noh đe ưh kơ apah sư tơmam ôh, kơlih kơ sư ưh kơ kiơ̆ nơ̆r đe pơkă adrol kơ lu sư wă kơdâu hei.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

Tit 2:2

Ih athei bơtho khan kơ lu 'bok kră 'nĕ pă et sik suai, 'nĕ kơ pơm kư̆ kă. Athei sư iŏk đon iơ̆m dim păng ih athei sư lui mă kơjăp, băt 'mêm kơ 'Bok Kei-Dei hăm bôl buăl. Mă đei tơdrong gleh pơmat dang yơ athei sư adrin khŏm khŏm đĕch.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Hêbrơ 12:4

Gah tơdrong lu bơngai yoch tơblah păng iĕm, iĕm ưh tam mă mah adrin truh kơ pham lĕch sĕch huŏng ôh.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

I Pet 1:4

Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

II Pet 1:6

Dah iĕm pơhrăm iŏk boih, iĕm gô đei tơdrong pơgơ̆t, đơ̆ng tơdrong pơgơ̆t iĕm gô đei jơhngơ̆m chơ̆n. Dah jơhngơ̆m iĕm chơ̆n tơpă, noh iĕm gơh pơm kiơ̆ dôm tơdrong 'Bok Kei-Dei boih.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:4

Tăp dăr kơ tang-dŏ 'Bok Pơtao ei đei 'bar-jĭt puăn tŏ tang-dŏ nai, đei 'bar-jĭt puăn 'nu lu đe kră oei tơ tang-dŏ ei. Lu sư tă hrŭk ao tai kok păng yơ̆l môk maih.