I Kor 9:21 - Sơ̆p Hlabơar Nơ̆r 'Bok Kei-Dei

²¹ Inh kư̆m đei năm chă bơtho lu bơngai mă ưh kơ kiơ̆ tơdrong juăt Môis, inh kư̆m pơm thoi lu sư mơ̆n wă kơ gơh pơlung lu sư lui kiơ̆ Yêsu Krist, mă-lei inh kư̆m ưh kơ hŭt lê̆ dôm tơdrong 'Bok Kei-Dei pơkă ôh, inh oei kiơ̆ khŏm khŏm đĕch yua kơ tơdrong noh đơ̆ng Yêsu Krist pơkă ăn kơ bơ̆n boih.

I Kor 9:21 ပူးပေါင်းရင်းမြစ်များ

Horiso 119:32

Inh gô kơdâu kiơ̆ trong Ih tơtă. Dah Ih pơih jơhngơ̆m inh să,

Jang 15:28

Yang Bơhngol 'Lơ̆ng păng nhôn ưh kơ wă athei iĕm pơm lu tơdrong anat, mă-lei iĕm athei kiơ̆ lu tơdrong âu đĕch:

Jang 16:4

Đơ̆ng noh na đe Pôl năm jơ̆p pơlei. Sư ră roi tơdrong lu jơ̆ng 'bang Yêsu păng lu kră wei-lăng bơngai lui tơ Pơlei Jêrusalem ată lăm kơthơ ei ki. Lu đe Pôl bơtho khan lu sư kiơ̆ lu tơdrong ată tơpăt.

Jang 21:25

Gah lu khŭl tơmoi nai lui kơ Kră Yang Yêsu, nhôn chih bơtho kơ lu sư boih khan kơ lu sư kơ̆m kơ sa tơmam đe pơyơ̆r kơ yang kơnê̆, kơ̆m kơ sa pham dôm sem bơ̆n rong dah sem bri; hơdrol kơ bơ̆n wă pơm tơmam sa bơ̆n athei kăt dah 'bet tŭk lê̆ pham sư; păng 'nĕ kơ ngôi pơyô kư̆ kă.”

Rom 2:12

Lu bơngai khŭl nai, lu sư ưh kơ băt kơ tơdrong juăt 'Bok Kei-Dei pơkă kơ lu bơngai Juđê sơ̆, na lu sư oei pơm yoch khŏm khŏm, ning-mônh 'Bok Kei-Dei kư̆m phak lu sư mơ̆n. Lu bơngai Juđê băt ră kơ tơdrong juăt 'Bok Kei-Dei pơkă noh, mă-lei lu sư oei pơm yoch, ning-mônh 'Bok Kei-Dei kư̆m phak lu sư mơ̆n, yua kơ lu sư ưh kơ kiơ̆ tơdrong Sư pơkă.

Rom 2:14

Lu bơngai khŭl nai, lu sư ưh kơ băt tơdrong juăt 'Bok Kei-Dei pơkă, mă-lei lu sư mơ'nah pơm trŏ kơ tơdrong noh, yua kơ lăm to sư tơchĕng trŏ, na sư pơm kiơ̆ hloi.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Rom 7:25

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră, mă-lei ưh kơ kĕ, đĭ jing đĭch tơdrong kơnê̆. Na dang ei inh bơnê kơ 'Bok Kei-Dei mơnat kơ inh, đơ̆ng tơdrong kơnê̆ 'noh pơklaih ăn kơ inh rơngei boih. Păng inh bơnê kơ Kră Yang Yêsu Krist kư̆m tơgŭm inh mơ̆n.

Rom 8:4

'Bok Kei-Dei pơm thoi noh, Sư wă kơ bơ̆n huay kơ gơnang kơ akâu bơ̆n kơdih, athei gơnang kơ Yang Bơhngol 'Lơ̆ng đĕch, na bơ̆n kĕ pơm kiơ̆ dôm tơdrong 'Bok Kei-Dei pơkă.

Galati 3:2

Inh đei tơdrong kăl wă jet iĕm: 'Bok Kei-Dei ăn kơ iĕm Yang Bơhngol 'Lơ̆ng Sư sơ̆, yua kơ iĕm kiơ̆ tơdrong juăt Môis hă? Dah yua kơ iĕm lui kơ Yêsu Krist?

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.