I Kor 9:20 - Sơ̆p Hlabơar Nơ̆r 'Bok Kei-Dei

²⁰ Kơplah inh chă bơtho lu bơngai Juđê, inh kư̆m pơm kiơ̆ tơdrong juăt lu sư mơ̆n wă kơ gơh pơlung lu sư lui. Đơ̆ng sơ̆ inh ưh pă gơnang kơ tơdrong juăt Môis ră, mă-lei kơplah inh chă bơtho lu bơngai mă kiơ̆ tơdrong juăt Môis, inh kư̆m pơm kiơ̆ mơ̆n wă kơ inh gơh pơlung lu sư lui kơ Yêsu Krist.

I Kor 9:20 ပူးပေါင်းရင်းမြစ်များ

Jang 16:3

Pôl wă kơ Timôthê năm hơdai păng sư bơtho tơdrong 'Bok Kei-Dei. Na sư kăt tơdra akar Timôthê wă kơ lu bơngai Juđê oei tơ tơring ei huay kơ ơh klai, yua kơ đĭ-đăng bơngai Juđê ei băt kơ 'bă sư bơngai Grĕk.

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Rom 11:14

wă kơ lu bôl inh bơngai Isơrael 'nhĕng iĕm, na lui kiơ̆ iĕm, klaih kơ tơdrong yoch thoi iĕm.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Galati 2:19

Sơ̆ inh kư̆m kiơ̆ mơ̆n tơdrong juăt Môis, mă-lei inh tơchĕng akâu inh kơdih đĕch kiơ̆, mă tơpă lăm to inh ưh kơ 'lơ̆ng hăm 'Bok Kei-Dei ôh. Thoi noh na inh ưh pă gơnang kơ akâu inh kơdih wă kiơ̆ tơdrong juăt Môis, akâu inh dang lĕ kơ lôch, wă kơ inh iung arih gơnang kơ 'Bok Kei-Dei đĕch.

Galati 4:21

Iĕm khan wă kiơ̆ tôm tơdrong juăt Môis tơpă, na dang ei inh wă kơ iĕm đŏk lăng tôm kơ hla bơar tơdrong juăt Môis bĕ, wă kơ iĕm hlôh.

Galati 4:5

Sư wă kơ gơh huai iŏk đĭ-đăng bơngai bơ̆n mă kiơ̆ tơdrong juăt kon bơngai, na bơ̆n jing kon Kră Yang 'Bok Kei-Dei.

Galati 5:18

Dah iĕm ăn Yang Bơhngol 'Lơ̆ng pơgơ̆r iĕm, lei iĕm ưh pă gơnang kơ akâu iĕm kơdih pơm kiơ̆ tơdrong juăt Môis ôh.