I Kor 9:19 - Sơ̆p Hlabơar Nơ̆r 'Bok Kei-Dei

¹⁹ Mă tơpă inh bơngai rơngei, ưh kơ đei đĭch bu ôh, mă-lei inh dang pơm đĭch kơ đĭ-đăng bơngai yua kơ inh wă pơlung lơ bơngai lui kơ Yêsu Krist.

I Kor 9:19 ပူးပေါင်းရင်းမြစ်များ

Tơdrông Pơđơk 11:30

Bơngai 'lơ̆ng tơpăt gô đei nhen thoi tơnơm 'long arih, Bơngai gơh hơgei đei dŏng bơhngol đe.

Mathiơ 18:15

“Dah bôl buăl bơngai lui pơm kơnê̆ kơ iĕm, iĕm athei khan kơ sư kơdrô̆ biĕm. Dah sư chu kơ iĕm khan, lei iĕm oei hiôk hăm sư.

Rom 1:14

Inh oei hre kơ rim khŭl bơngai mă inh ưh tam năm chă bơtho tơdrong 'nao 'lơ̆ng Yêsu Krist, mă bơngai Grĕk, mă bơngai nai, mă bơngai kơtul, mă bơngai hơgei, inh oei tă hre kơ sư ngăl.

Rom 11:14

wă kơ lu bôl inh bơngai Isơrael 'nhĕng iĕm, na lui kiơ̆ iĕm, klaih kơ tơdrong yoch thoi iĕm.

Rom 15:2

Đĭ-đăng kơ bơ̆n athei tơchĕng kiơ̆ kơ bôl lăp đon, tơgŭm sư gơh lui kơjăp,

I Kor 10:29

Iĕm tơchĕng khan huay kơ kơ̆m ră, mă-lei bôl bơ̆n khan kơ̆m; 'noh iĕm 'nĕ pă sa. Na pơtih gia iĕm jet inh khan: “Dah bơ̆n tơchĕng khan huay kơ kơ̆m kư̆ kơ sa đĕch, lei yua kơ kiơ bơ̆n wă chu bôl?

I Kor 10:33

Gah inh ling-lang pơm 'lơ̆ng tơpăt wă kơ đĭ-đăng bơngai lăp đon kơ inh lăm tôm tơdrong. Inh ưh kơ wă tơchĕng tơgŭm gah akâu inh kơdih ôh, inh wă tơgŭm pơyua lu bôl buăl wă kơ lơ bơngai lui kơ Yêsu Krist na klaih đơ̆ng tơdrong yoch.

I Kor 7:16

Ơ lu drŏ-kăn lui mă đei klo mă ưh kơ lui, lơliơ iĕm băt khan klo iĕm ning-mônh ưh kơ lui dah iĕm bơtho sư? Lu drŏ-nglo đei akăn mă ưh kơ lui, lơliơ iĕm băt khan akăn iĕm ning-mônh ưh kơ lui dah iĕm bơtho sư?

I Kor 9:1

Dah inh wă, inh gơh pơm tôm tơdrong kiơ̆ thoi iĕm mơ̆n. Inh boih jơ̆ng 'bang Yêsu; inh 'bôh Sư tơpă, Sư Yang pơm Yŏng pơgơ̆r bơ̆n; păng iĕm lui kơ Sư đơ̆ng Sư tơgŭm inh bơtho iĕm.

II Kor 12:14

Na 'măng mă pêng âu inh wă năm tơ iĕm, mă inh năm inh ưh kơ năm pơgleh iĕm athei iĕm 'me inh, dah iŏk jên tơmam iĕm ôh; inh năm tơ iĕm, inh wă ngôi hơpong păng iĕm. Ưh kơ sĭ kon 'me 'bă ôh, 'bă 'me kon.

II Kor 4:15

Dôm tơdrong nhôn adrin jang wă pơyua iĕm păng wă kơ tơdrong 'Bok Kei-Dei 'mêm mơnat kơ kon bơngai rai jơ̆p teh, wă kơ kon bơngai bơnê hăm pơang anăn Sư rai lơ.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

II Tim 2:10

Inh đei tơdrong pơmat ling-lang, mă-lei inh oei adrin khŏm khŏm. Inh bơtho lu bơngai 'Bok Kei-Dei rơih wă kơ lu sư lui kơ Kră Yang Yêsu Krist, na 'Bok Kei-Dei gô pơklaih sư đơ̆ng tơdrong yoch păng atŏk sư oei hơdai păng Sư ling-lang ning-mônh.

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.