I Kor 9:16 - Sơ̆p Hlabơar Nơ̆r 'Bok Kei-Dei

¹⁶ Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

I Kor 9:16 ပူးပေါင်းရင်းမြစ်များ

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Je 1:17

Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Je 20:7

Ơ Kră Yang, Ih pơhlŭ inh boih, inh chu iŏk boih dôm tơdrong Ih pơgŏ, Ih pơjuă pơđep inh păng jei Ih boih. Inh arih pơm kơ đe hiĕk ăr kơ inh prăt năr. Rim bơngai hiĕk pơjăm inh.

Je 20:9

Tơdah inh khan: “Inh ưh pă pơma roi gah nơ̆r Sư boih, inh ưh pă đei yua anăn Sư na pơma roi dơ̆ng,” nơ̆r Sư lăm jơhngơ̆m inh thoi ŭnh soh chhông, Nơ̆r Sư chĭt lê̆ lăm kơting inh, na jơhngơ̆m inh rơmơ̆n lap, ưh pă kĕ ĕnh boih.’

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Am 7:15

Kră Yang iŏk inh đơ̆ng anih wei triu păng khan kơ inh: Ih năm khan lê̆ adrol bĕ kơ kon pơlei Isơrael inh.

Mathiơ 25:16

Bơngai mă iŏk pơđăm hlak jên maih yŏng sư noh, hơloh năm chă mơdro sa hloi, đei lơi kơ sư pơđăm hlak jên maih dơ̆ng.

Luka 9:62

Na Yêsu khan kơ sư: “Bơngai bu wă rơuơ mir sư wă kơ tơpăt, sư 'noh ưh kơ hue-huo 'ma 'ngiĕo ôh. Na bơngai bu wă kiơ̆ Inh kư̆m athei adrin thoi noh mơ̆n. Tơ̆ng sư hue-huo 'ma 'ngiĕo lei sư ưh kơ trŏ kơ bơtho tơdrong 'Bok Kei-Dei pơgơ̆r kon bơngai ôh.”

Jang 4:20

Nhi athei roi đĭ tơdrong nhi 'bôh Yêsu pơm păng đĭ tơdrong Sư pơma đĕch.”

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Rom 1:14

Inh oei hre kơ rim khŭl bơngai mă inh ưh tam năm chă bơtho tơdrong 'nao 'lơ̆ng Yêsu Krist, mă bơngai Grĕk, mă bơngai nai, mă bơngai kơtul, mă bơngai hơgei, inh oei tă hre kơ sư ngăl.

Rom 15:17

Tơdrong noh yua kơ Yêsu Krist tơgŭm inh bơtho, na đei lơ bơngai tơpă lui kơ Sư, na dang ei inh hiôk dêh đơ̆ng Sư pơchĕp kơ inh jang tơdrong 'Bok Kei-Dei âu.

Rom 4:2

Lu bơngai Juđê juăt kơ ư-ang Abraham, khan Abraham kĕ kiơ̆ tôm tơdrong juăt 'Bok Kei-Dei pơkă, na 'Bok Kei-Dei lăp đon kơ sư. Mă-lei 'Bok Kei-Dei ưh kơ tơchĕng thoi noh ôh.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

I Kor 9:12

Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

I Kor 9:14

Kră Yang Yêsu Krist kư̆m athei bơ̆n 'me sa lu bơngai jang tơdrong 'nao 'lơ̆ng Sư mơ̆n.

II Kor 2:12

Đơ̆ng rŏng kơ inh chih kơ iĕm kơthơ noh ki, inh năm tơ Pơlei Trôs bơtho tơdrong 'nao 'lơ̆ng Yêsu Krist tơ noh. 'Bok Kei-Dei pơchoh trong kơ inh năm jang tơdrong Sư tơ noh.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.