I Kor 9:12 - Sơ̆p Hlabơar Nơ̆r 'Bok Kei-Dei

¹² Iĕm 'me sa lu bơngai nai mă bơtho iĕm, iĕm tơchĕng khan trŏ. Tơdrong 'noh dah nhôn truh tơ iĕm, iĕm 'me nhôn kư̆m trŏ loi mơ̆n. Mă-lei đơ̆ng sơ̆ nhôn ưh kơ đei athei iĕm 'me nhôn ôh, nhôn adrin jang sa kơdih đĕch, wă kơ iĕm huay ơh sơ'ngon kơ tơdrong nhôn bơtho iĕm gah tơdrong 'nao 'lơ̆ng Yêsu Krist.

I Kor 9:12 ပူးပေါင်းရင်းမြစ်များ

Bl 24:56

Đam sư tơl: “Apinh iĕm 'nĕ kơ pơhiơ̆ inh yua kơ Kră Yang ba trong inh keh đang boih, apinh iĕm ăn kơ inh brŏk tơ yŏng tơ'ngla inh.”

Ne 4:8

Na krao akŭm băl đĭ-đăng wă năm blah pơlei Jêrusalem păng wă pơrŭng lu nhôn hơwơ̆l hơwang.

Luka 11:52

“Ơ lu thây bơtho đe Juđê, ning-mônh iĕm pơmat-tat dêh, yua kơ dang ei iĕm ưh kơ wă ăn kơ đe băt tơdrong 'Bok Kei-Dei mă 'blep. Iĕm dang lĕ đei khuă gơh mơ̆t tơ hnam 'Bok Kei-Dei pơhrăm tơdrong Sư, mă-lei iĕm ưh kơ wă pơih 'măng mơ̆t kơdih păng kư̆m kuă ăn đe mơ̆t mơ̆n.”

Jang 18:3

Bre sư bơ̆jang tơdrong pơm hnam tua-la-tăng na Pôl năm oei hloi tơ hnam bre sư, jang hơdai păng sư yua kơ Pôl juăt kơ jang tơdrong noh mơ̆n. Pôl kư̆m bơtho rah tơdrong 'Bok Kei-Dei.

Rom 15:22

Đĭ lơ 'măng boih inh wă năm ngôi hơpong păng iĕm, mă ưh kơ yĕng, yua kơ inh oei hăt kơ bơtho lu bơngai mă tam mă kơtơ̆ng tam mă hlôh.

I Kor 13:7

Bơngai bu băt 'mêm kơ 'Bok Kei-Dei hăm bôl buăl sư, mă đe pơm kơnê̆ kơ sư, sư oei 'mêm kơ đe; đe areh kơ buăl sư mă-lei sư oei lui kơ nơ̆r buăl sư; păng sư lui kơ 'Bok Kei-Dei wei-lăng sư lăm tôm tơdrong khŏm khŏm; mă đei tơdrong gleh pơmat-tat, sư oei khŏm adrin lui 'mơ̆i.

I Kor 6:7

Iĕm tơkêng sa băl tŏk tơ kră sek tơlang thoi noh ưh kơ trŏ ôh, 'noh inh băt kơ tơdrong lui iĕm oei rơdu iĕ tơpă. Dah tơduă iĕm bơngai lui pơm ưh kơ 'lơ̆ng dih băl, dah tơtông băl tơmam, iĕm 'nĕ kơ jâu sư, 'noh 'lơ̆ng hloh.

I Kor 9:14

Kră Yang Yêsu Krist kư̆m athei bơ̆n 'me sa lu bơngai jang tơdrong 'nao 'lơ̆ng Sư mơ̆n.

I Kor 9:15

Mă-lei gah inh đơ̆ng sơ̆ ưh kơ ăn iĕm 'me inh ôh. Mă inh chih kơ iĕm kơthơ âu ưh kơ sĭ inh wă iĕm 'me inh ôh. Inh lôch kơ rơwĕt kư̆m bưh, inh ưh kơ layơ wă kơ đe 'me inh. Inh pôm wă kơ đe băt kơ inh gơh jang sa 'me akâu kơdih khŏm khŏm đĕch.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

I Kor 9:18

Na iĕm hăm băt inh gô đei tơdrong apah kiơ? Inh jang bơtho tơdrong 'nao 'lơ̆ng Sư mă-lei kuă kơ iŏk sa jên đơ̆ng đe apah, dah inh iŏk trŏ ră mơ̆n. Tơdrong apah inh wă khan tơdrong inh hiôk lăm jơhngơ̆m gơh bơtho đe, đe huay kơ kăl kơ 'me sa inh.

I Kor 9:2

Mă đe nai khan inh bơngai ưh kơ trŏ kơ jơ̆ng 'bang Yêsu kư̆m bưh mơ̆n, mă-lei gah iĕm, iĕm băt kơ inh bơngai jơ̆ng 'bang Yêsu tơpă, yua kơ iĕm lui kơ Sư đơ̆ng inh bơtho iĕm.

II Kor 11:12

Lu bơngai noh wă kơ nhôn iŏk sa jên iĕm thoi lu sư, wă kơ lu sư gơh pơang khan lu sư jang lei-lăi thoi nhôn, mă-lei nhôn ưh kơ đei layơ wă iŏk sa jên iĕm ôh.

II Kor 11:20

Iĕm chu kơ lu bơngai noh, iĕm jing bơngai đĭch; sư sa yua kơpah tơmam iĕm, sư pơgŏ iĕm, iĕm chu sư pơjuă kơtĭt iĕm, sư tap 'bŏ iĕm.

II Kor 2:12

Đơ̆ng rŏng kơ inh chih kơ iĕm kơthơ noh ki, inh năm tơ Pơlei Trôs bơtho tơdrong 'nao 'lơ̆ng Yêsu Krist tơ noh. 'Bok Kei-Dei pơchoh trong kơ inh năm jang tơdrong Sư tơ noh.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.