I Kor 9:10 - Sơ̆p Hlabơar Nơ̆r 'Bok Kei-Dei

¹⁰ dah Sư pơma pơtih gia tơdrong Sư mơnat kơ kon bơngai bơ̆n? Sư pơma thoi noh pơtih gia tơdrong Sư mơnat kơ kon bơngai bơ̆n. Lu bơngai pơtăm 'ba, sư gô hơmĕng kơ đei 'ba 'noh tơpă, lu bơngai kĕch 'ba sư hơmĕng kơ đei sa 'ba 'noh tơpă.

I Kor 9:10 ပူးပေါင်းရင်းမြစ်များ

Jo 18:31

Lu iĕm păng hnam dơnŏ iĕm iŏk sa đơ̆ng anih ayơ kư̆m bưh, yua kơ noh tơdrong apah đêl lu iĕm jang lăm Bơsŭn Anih Akŭm.

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Kor 4:15

Dôm tơdrong nhôn adrin jang wă pơyua iĕm păng wă kơ tơdrong 'Bok Kei-Dei 'mêm mơnat kơ kon bơngai rai jơ̆p teh, wă kơ kon bơngai bơnê hăm pơang anăn Sư rai lơ.

II Tim 2:6

Âu nơ̆r pơtih gia mơ̆n: Bơngai choh mir sư jang hrat tơpă, sư wei-lăng mir sư truh tơ 'ba đum, klaih kơ noh tơ'ngla sư kĕch iŏk kơdih.