I Kor 8:9 - Sơ̆p Hlabơar Nơ̆r 'Bok Kei-Dei

⁹ Iĕm khan iĕm gơh sa kư̆ kă tơmam đe sơmah kơ yang kư̆m bưh, huay kơ kơ̆m ôh; mă-lei iĕm athei kơchăng 'biơ̆ hŏ, iĕm 'nĕ kơ pơm thoi noh hli kơ lu bơngai 'nao lui jing hơwơ̆l na hơdai wang pơm kiơ̆ thoi iĕm.

I Kor 8:9 ပူးပေါင်းရင်းမြစ်များ

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Êsai 57:14

Sư gô khan: “Man bĕ, pơdơ̆ng bĕ, hơmet bĕ trong! Bơ'nguơih bĕ lu tơdrong găn kon pơlei Inh.”

Êsêkiên 14:3

“Ơ kon bơngai, lu bơngai âu 'măn boih rup yang lăm jơhngơ̆m lu sư păng dan tơdrong yoch 'bơ̆t anăp muh măt wă pơm kơ lu sư kơtơih. Inh wă lê̆ kơ lu sư krao apinh Inh ưh?

Êsêkiên 44:12

Yua kơ lu sư đei tơgŭm kon pơlei bơ̆jang 'bơ̆t anăp rup yang lu sư, pơm ăn kơ lu bơngai Isơrael pơ̆k huŏng pơm yoch, yua kơ tơdrong noh, Inh đei hiŏng ti phak lu sư, athei pŭ iŏk tơdrong yoch lu sư kơdih, Kră Yang khan.

Lêwi 19:14

'Nĕ kơ hiap bơngai klĭk, kư̆m 'nĕ kơ dan lê̆ tơmam kiơ 'bơ̆t anăp bơngai măt tol, wă pơm kơ sư kơtơih pơ̆k, ih athei hli yom kơ Kră Yang 'Bok Kei-Dei ih, Inh bơih Kră Yang.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

I Kor 10:24

Bơ̆n 'nĕ tơchĕng kiơ̆ kơ akâu bơ̆n kơdih, bơ̆n athei tơchĕng 'mêm mơnat kơ bôl buăl bơ̆n.

I Kor 10:28

Mă-lei dah đei bơngai lui 'bơ̆t noh sư khan: “'Nhĕm 'noh 'nhĕm sư sơmah kơ yang.” Dah iĕm kơtơ̆ng thoi noh lei iĕm 'nĕ pă sa, yua kơ bôl bơ̆n tơchĕng yoch dah bơ̆n sa.

I Kor 10:29

Iĕm tơchĕng khan huay kơ kơ̆m ră, mă-lei bôl bơ̆n khan kơ̆m; 'noh iĕm 'nĕ pă sa. Na pơtih gia iĕm jet inh khan: “Dah bơ̆n tơchĕng khan huay kơ kơ̆m kư̆ kơ sa đĕch, lei yua kơ kiơ bơ̆n wă chu bôl?

I Kor 10:32

Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.

I Kor 8:10

Dah iĕm kiơ̆ đe năm sa et tơmam tơ hnam đe sơmah kơ yang, lei inh hli kơ lu bôl bơ̆n mă 'nao lui sư tơchĕng kơ rup yang hli kơ sư khan yang tơpă, mưh sư 'bôh iĕm năm sa et, hli kơ sư 'maih kiơ̆ iĕm năm sa et tơmam đe sơmah 'noh mơ̆n.

I Kor 8:12

Iĕm pơm thoi noh ưh kơ trŏ, rai pơm tơ'bôh kơ 'nhŏng oh iĕm tơdrong yoch păng pơm kơ Yŏng bơ̆n Yêsu Krist ưh kơ lăp đon kơ iĕm.

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

II Kor 11:21

Lu sư jô̆ kơ inh khan bơngai rơdu, trŏ boih yua kơ inh ưh kơ pơ̆n pơm thoi noh ôh. Na dang ei inh chă pơma kơ iĕm kư̆ kă thoi bơngai kơhlôh kơbăt na đe pơang akâu thoi yơ, inh kư̆m pơang thoi noh mơ̆n.

II Kor 11:29

Hăm 'bôh bu lui rơdu mă inh ưh kơ mơnat? Hăm 'bôh bu huŏng lăm tơdrong yoch đe pơhlŭ mă inh ưh kơ sơ'ngon?

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Kôlôsê 2:8

Iĕm athei kơchăng hli kơ bơngai hơlĕnh pơhlŭ iĕm. Sư khan sư bơtho tơdrong trŏ, tơdrong đe gĭt; mă tơpă ưh ôh, sư bơtho tơdrong kư̆ kă đĕch, tơdrong ưh kơ đei, tơdrong kiơ̆ kơ đon kon bơngai tơchĕng. Lu sư bơtho tơdrong yang tơ ala teh, ưh kơ 'bơm tơdrong Yêsu Krist ôh.

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.