I Kor 7:7 - Sơ̆p Hlabơar Nơ̆r 'Bok Kei-Dei

⁷ Kiơ̆ thoi inh wă kơ đĭ-đăng bơngai pơm kiơ̆ thoi inh ưh kơ iŏk klo kăn. Mă-lei 'Bok Kei-Dei ăn kơ rim 'nu kon bơngai phara, mơ'nah Sư ăn ngôi hơdrô̆, mơ'nah Sư ăn iŏk klo kăn.

I Kor 7:7 ပူးပေါင်းရင်းမြစ်များ

Bl 30:34

La'ban tơl: Kŭm bưh kiơ̆ thoi nơ̆r đei khan.

Jang 26:29

Pôl khan: “Tơdah ih lui kơ Yêsu Krist hloi dang ei, dah ning-mônh dơ̆ng, kư̆m bưh. Mă-lei inh krao khan kơ 'Bok Kei-Dei apinh Sư tơgŭm ih, ơ 'bok pơtao păng đĭ-đăng iĕm mă mơ̆ng inh bơtho năr âu, wă kơ iĕm jing bơngai lui kơ Yêsu kư̆m lei-lăi thoi inh mơ̆n. Mă-lei inh ưh kơ wă đe chô̆ iĕm hăm tơlei glang mam thoi lĕ kơ đe chô̆ inh âu ôh.”

Rom 12:6

Na 'Bok Kei-Dei ăn kơ bơ̆n phara tơdrong hơgei, mơ'nah sư hơgei pơm kiơ, gơh jang tơdrong kiơ, na bơ̆n athei jang kiơ̆ kơ Sư ăn noh. Dah Sư ăn kơ bơ̆n hơgei gơh tơbăt kơ đe tơdrong Sư, bơ̆n kư̆ kơ jang tơdrong noh. Bơ̆n gơh dang yơ bơ̆n jang dang noh.

I Kor 12:11

Đei minh 'nu Yang Bơhngol 'Lơ̆ng đĕch ăn kơ bơ̆n tôm tơdrong hơgei 'noh, Sư asong kơ rim 'nu bơngai bu kiơ̆ kơ Sư wă.

I Kor 12:4

Yang Bơhngol 'Lơ̆ng ăn kơ bơ̆n lơ tơdrong hơgei wă kơ gơh jang tơdrong Sư, mă-lei dôm tơdrong 'noh đơ̆ng lăp minh 'nu Sư đĕch ăn kơ bơ̆n.

I Kor 7:8

Inh wă khan kơ lu bơngai ưh kơ đei klo kăn păng lu bơngai drŏ-kăn adro thoi âu: Dah iĕm ngôi hơdrô̆ thoi inh 'lơ̆ng mơ̆n.

I Kor 9:15

Mă-lei gah inh đơ̆ng sơ̆ ưh kơ ăn iĕm 'me inh ôh. Mă inh chih kơ iĕm kơthơ âu ưh kơ sĭ inh wă iĕm 'me inh ôh. Inh lôch kơ rơwĕt kư̆m bưh, inh ưh kơ layơ wă kơ đe 'me inh. Inh pôm wă kơ đe băt kơ inh gơh jang sa 'me akâu kơdih khŏm khŏm đĕch.

I Kor 9:5

Dah nhi đei akăn kư̆m bơngai lui, na juăt kơ anhăk thoi đe Pêtrôs, thoi lu đe oh Yêsu, thoi lĕ lu jơ̆ng 'bang Yêsu nai, lê̆ kơ lu bơngai lui 'me sa sư, kư̆m gơh mơ̆n dah kiơ?