I Kor 7:40 - Sơ̆p Hlabơar Nơ̆r 'Bok Kei-Dei

⁴⁰ Mă-lei lăm đon inh tơchĕng dah sư lê̆ pă chă klo, ngôi minh 'nu đĕch noh 'lơ̆ng. Inh tơchĕng Yang Bơhngol 'Lơ̆ng kư̆m wă kơ inh bơtho iĕm thoi noh mơ̆n.

I Kor 7:40 ပူးပေါင်းရင်းမြစ်များ

I Kor 7:1

Gah kơthơ dôm tơdrong iĕm jet inh 'noh, inh wă tơl iĕm dang ei. Bơngai drŏ-nglo ưh kơ iŏk akăn kư̆m 'lơ̆ng mơ̆n.

I Kor 7:35

Inh bơtho iĕm thoi noh yua kơ inh wă tơgŭm iĕm, ưh kơ sĭ inh wă khă iĕm tơdrong tơoei băl klo kăn ôh. Inh wă kơ iĕm băt kơdih pơm tơdrong 'lơ̆ng tơdrong trŏ, wă kơ iĕm adrin jang tơdrong Kră Yang hăm đĭ jơhngơ̆m klơm klak iĕm.

I Kor 7:6

Tơdrong âu ưh kơ sĭ inh athei đĭ-đăng bơngai iŏk klo kăn ngăl ôh, inh pơma tơdrong âu yua kơ trŏ kơ tơdrong iĕm dang ei.

I Kor 7:8

Inh wă khan kơ lu bơngai ưh kơ đei klo kăn păng lu bơngai drŏ-kăn adro thoi âu: Dah iĕm ngôi hơdrô̆ thoi inh 'lơ̆ng mơ̆n.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 13:3

Thoi noh na kơnh pơgê iĕm gô băt kơ Yêsu Krist yua 'bơ̆r inh pơma kơ iĕm. Sư ưh kơ rơdu kơ iĕm ôh, Sư jang lăm lu iĕm kơtang tơpă.

II Kor 8:10

Sơnăm sơ̆ iĕm kư̆m đêl pơtơm boih tơdrong wă tơgŭm lu bơngai dơnuh hin noh, iĕm kư̆m wă tơpă; na dang ei inh wă kơ iĕm pơjing dơ̆ng tơdrong noh mă tơpă bĕ.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.