I Kor 7:4 - Sơ̆p Hlabơar Nơ̆r 'Bok Kei-Dei

⁴ Gah tơdrong 'noh akăn sư ưh kơ gơh pơm yŏng kơdih ôh, athei gô mơ̆ng kơ klo sư wă. Klo sư kư̆m lei-lăi mơ̆n, gô mơ̆ng kơ akăn sư wă.

I Kor 7:4 ပူးပေါင်းရင်းမြစ်များ

Hôsia 3:3

Na inh khan kơ sư: Ih athei oei păng inh đunh năr; 'nĕ kơ pơm pơyô, dah chă oei klo nai, Inh pơm hăm ih thoi noh mơ̆n.

Mathiơ 19:9

Yua kơ thoi noh na Inh wă khan kơ iĕm dang ei thoi âu: Bơngai bu achăng lê̆ akăn sư, akăn sư ưh kơ đei pơm pơyô kư̆ kă, na sư iŏk akăn plơ̆ng, bơngai 'noh pơm yoch pơ'brơh kơ akăn sư. Mă-lei dah akăn sư pơm pơyô kư̆ kă kơ klo sư hơdrol, 'noh klo sư gơh achăng. Klo sư mă hơdrol achăng lê̆ akăn sư boih, na dah bơngai nai đơ̆ng rŏng iŏk pơm akăn, bơngai noh kư̆m dang pơm yoch mơ̆n, yua kơ klo sư mă hơdrol achăng kư̆ kă ưh kơ trŏ kơ tơdrong achăng.”

I Kor 7:3

Klo trŏ tơdrong ngôi kơ akăn sư kơdih, na akăn sư kư̆m chu kiơ̆ kơ đon klo sư wă.

I Kor 7:5

Ưh kơ gơh sơ-ih băl ôh, mă-lei dah klo akăn biĕm pôm đon wă krao khan kơ Kră Yang tơdrong kiơ kiơ na biĕm wă pơdơh kơ tơdrong tơngôi noh, kư̆m bưh mơ̆n. Mă-lei tôch kơ năr biĕm pơkă krao khan noh boih, na biĕm tơngôi băl thoi đêl dơ̆ng, hli kơnh yang Satan pơhlŭ biĕm ngôi pơyô kư̆ kă yua kơ iĕm ưh kơ kĕ gơ̆t.