I Kor 7:37 - Sơ̆p Hlabơar Nơ̆r 'Bok Kei-Dei

³⁷ Mă-lei dah bơngai bu lăng kon sư oei hơdrô̆ 'lơ̆ng tơpăt na sư pơgơ̆t kon sư kuă ăn iŏk klo, wă kơ kon sư oei hơdrô̆ khŏm khŏm, 'lơ̆ng mơ̆n.

I Kor 7:37 ပူးပေါင်းရင်းမြစ်များ

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

I Kor 7:1

Gah kơthơ dôm tơdrong iĕm jet inh 'noh, inh wă tơl iĕm dang ei. Bơngai drŏ-nglo ưh kơ iŏk akăn kư̆m 'lơ̆ng mơ̆n.

I Kor 7:36

Mă-lei dah bơngai bu đei kon adruh, kon adruh sư đĭ adruh 'lŏ boih, na 'bă sư tơchĕng wă kơ sư oei hơdrô̆ khŏm khŏm ưh kơ trŏ ôh, yua kơ kon sư hăt kơ wă chă klo, 'bă sư athei lê̆ kơ sư chă klo 'noh 'lơ̆ng, ưh kơ đei kơ̆m tơdrong kiơ ôh.

I Kor 7:38

Thoi noh boih dah bơngai bu ăn kon adruh sư iŏk klo kư̆m 'lơ̆ng mơ̆n. Mă-lei dah bơngai bu pơgơ̆t kon sư kuă ăn iŏk klo kư̆m bưh mơ̆n, noh 'lơ̆ng hloh.

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.