I Kor 7:36 - Sơ̆p Hlabơar Nơ̆r 'Bok Kei-Dei

³⁶ Mă-lei dah bơngai bu đei kon adruh, kon adruh sư đĭ adruh 'lŏ boih, na 'bă sư tơchĕng wă kơ sư oei hơdrô̆ khŏm khŏm ưh kơ trŏ ôh, yua kơ kon sư hăt kơ wă chă klo, 'bă sư athei lê̆ kơ sư chă klo 'noh 'lơ̆ng, ưh kơ đei kơ̆m tơdrong kiơ ôh.

I Kor 7:36 ပူးပေါင်းရင်းမြစ်များ

Je 29:6

Iŏk bĕ klo akăn, na pơjing kon drŏ-nglo drŏ-kăn; chă ăn bĕ kơ lu kon tơdăm iĕm akăn, ăn bĕ kơ lu kon adruh iĕm đei klo, wă kơ lu sư pơjing kon hơ'lơ̆p, drŏ-nglo dah drŏ-kăn, wă kơ đei kon sâu rai lơ tơ noh, 'nĕ pă hrŏ hiong.

Mathiơ 1:18

Đe tơpŭ kơ Yêsu sơ̆ thoi âu: Mari sơkơ̆t hăm Yôsep. Adrol kơ bre sư tơoei băl Mari băt akâu sư anăp boih, yua kơ Yang Bơhngol 'Lơ̆ng đơ̆ng 'Bok Kei-Dei ăn kơ sư thoi noh.

Mathiơ 5:40

Bu kêng iĕm tơ đe kră wă kơ iĕm duh kơ sư minh blah ao, iĕm athei ăn đĭ hloi 'bar blah.

I Kor 7:35

Inh bơtho iĕm thoi noh yua kơ inh wă tơgŭm iĕm, ưh kơ sĭ inh wă khă iĕm tơdrong tơoei băl klo kăn ôh. Inh wă kơ iĕm băt kơdih pơm tơdrong 'lơ̆ng tơdrong trŏ, wă kơ iĕm adrin jang tơdrong Kră Yang hăm đĭ jơhngơ̆m klơm klak iĕm.

I Kor 7:37

Mă-lei dah bơngai bu lăng kon sư oei hơdrô̆ 'lơ̆ng tơpăt na sư pơgơ̆t kon sư kuă ăn iŏk klo, wă kơ kon sư oei hơdrô̆ khŏm khŏm, 'lơ̆ng mơ̆n.

I Kor 7:9

Mă-lei hli kơ iĕm ưh kơ kĕ gơ̆t kơ tơdrong pơm yoch na iĕm athei oei băl klo kăn đĕch 'lơ̆ng hloh kơ iĕm oei hơdrô̆.

I Sam 2:33

Inh gô oei lê̆ minh 'nu đơ̆ng lăm adrĕch iĕm, wă kơ oei bơ̆jang tơ chơnang soi inh, mă-lei bơngai noh arih pơmat-tat chhŭr nuih lăm jơhngơ̆m. Yua kơ lu kon hơ'lơ̆p păng lu bơngai nai gô lôch kơ đao gưm.