I Kor 7:34 - Sơ̆p Hlabơar Nơ̆r 'Bok Kei-Dei

³⁴ Na đon sư tơchĕng jing tơklah 'bar trong, minh pah sư wă adrin jang tơdrong Kră Yang, minh pah sư ưh kơhnger achăng kon akăn sư na sư chu jang kiơ̆ kon akăn sư đĕch. Mă-lei lu bơngai drŏ-kăn mă ưh kơ đei klo, sư adrin jang tơdrong Kră Yang, sư wă pơyơ̆r akâu sư kơ Kră Yang đĭ đon tơchĕng, đĭ jơhngơ̆m klơm klak sư. Mă-lei dah bơngai ayơ đei klo boih, sư tơchĕng lơ tơdrong ala teh âu, sư wă kơ klo sư lăp đon kơ sư.

I Kor 7:34 ပူးပေါင်းရင်းမြစ်များ

Yo 10:13

Bơngai ei kơdâu jăk yua kơ sư bơngai jang đĕch, sư ưh kơ 'mêm kơ triu ôh.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

I Kor 7:33

Mă-lei gah lu bơngai đei kon akăn, sư tơchĕng lơ gah tơdrong ala teh âu wă kơ kon akăn sư lăp đon kơ sư.

I Kor 7:35

Inh bơtho iĕm thoi noh yua kơ inh wă tơgŭm iĕm, ưh kơ sĭ inh wă khă iĕm tơdrong tơoei băl klo kăn ôh. Inh wă kơ iĕm băt kơdih pơm tơdrong 'lơ̆ng tơdrong trŏ, wă kơ iĕm adrin jang tơdrong Kră Yang hăm đĭ jơhngơ̆m klơm klak iĕm.

II Kor 11:28

Păng đon tơchĕng rim năr hli kơ lu bơngai lui đei tơdrong gleh kư̆m pha 'mơ̆i.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

I Tim 3:5

Tơdah sư ưh kơ gơh pơgơ̆r hnam dơnŏ kon akăn sư, thoi yơ sư gơh wei-lăng kon 'Bok Kei-Dei lĕ?

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.