I Kor 7:33 - Sơ̆p Hlabơar Nơ̆r 'Bok Kei-Dei

³³ Mă-lei gah lu bơngai đei kon akăn, sư tơchĕng lơ gah tơdrong ala teh âu wă kơ kon akăn sư lăp đon kơ sư.

I Kor 7:33 ပူးပေါင်းရင်းမြစ်များ

Luka 12:22

Na Yêsu khan kơ lu bơngai pơhrăm păng Sư: “Yua kơ thoi noh na Inh wă khan kơ iĕm: 'Nĕ tơchĕng gah tơmam sŏng sa, 'nĕ kơ tơchĕng kơ hơbĕn ao hrŭk.

Luka 14:20

Đei bơngai nai dơ̆ng khan: ‘Inh 'nao đei akăn na inh ưh kơ wăn.’

Yo 10:13

Bơngai ei kơdâu jăk yua kơ sư bơngai jang đĕch, sư ưh kơ 'mêm kơ triu ôh.

I Kor 7:3

Klo trŏ tơdrong ngôi kơ akăn sư kơdih, na akăn sư kư̆m chu kiơ̆ kơ đon klo sư wă.

I Kor 7:32

Inh wă kơ lu iĕm bơngai ngôi hơdrô̆ huay kơ tơchĕng gah tơdrong kon akăn. Bơngai ngôi hơdrô̆, bơngai ei adrin jang tơdrong Kră Yang yua kơ sư wă kơ Kră Yang lăp đon kơ sư.

I Kor 7:34

Na đon sư tơchĕng jing tơklah 'bar trong, minh pah sư wă adrin jang tơdrong Kră Yang, minh pah sư ưh kơhnger achăng kon akăn sư na sư chu jang kiơ̆ kon akăn sư đĕch. Mă-lei lu bơngai drŏ-kăn mă ưh kơ đei klo, sư adrin jang tơdrong Kră Yang, sư wă pơyơ̆r akâu sư kơ Kră Yang đĭ đon tơchĕng, đĭ jơhngơ̆m klơm klak sư. Mă-lei dah bơngai ayơ đei klo boih, sư tơchĕng lơ tơdrong ala teh âu, sư wă kơ klo sư lăp đon kơ sư.

Kôlôsê 3:19

Ơ lu bơngai drŏ-nglo, iĕm athei băt 'mêm kơ akăn iĕm, 'nĕ kơ hơwĕng kơ sư.

I Pet 3:7

Lu bơngai drŏ-nglo kư̆m lei-lăi, iĕm athei pơm 'lơ̆ng kơ akăn iĕm, iĕm athei mơnat kơ sư 'biơ̆ yua kơ sư bơngai drŏ-kăn tơrăn hloh kơ iĕm; yua kơ tơdrong arih 'Bok Kei-Dei ăn tôm biĕm arih, ưh kơ sĭ ăn pôm drŏ-nglo đĕch ôh. Dah iĕm ưh kơ chu thoi noh tơdrong iĕm krao khan kơ 'Bok Kei-Dei ưh kơ yua kiơ boih.