I Kor 7:32 - Sơ̆p Hlabơar Nơ̆r 'Bok Kei-Dei

³² Inh wă kơ lu iĕm bơngai ngôi hơdrô̆ huay kơ tơchĕng gah tơdrong kon akăn. Bơngai ngôi hơdrô̆, bơngai ei adrin jang tơdrong Kră Yang yua kơ sư wă kơ Kră Yang lăp đon kơ sư.

I Kor 7:32 ပူးပေါင်းရင်းမြစ်များ

Horiso 55:22

Jao bĕ pŭ trăp ih kơ Kră Yang. Sư gô tơiung Ih; Sư ưh kơ đei lê̆ lu bơngai tơpăt pơ̆k.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Markôs 4:19

Mă-lei lu sư wă tơchĕng tơdrong arih sư kăl hloh. Sư wă kơ mơdrŏng; păng 'nhĕng lơ tơdrong âu tơdrong to. Thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Yo 10:13

Bơngai ei kơdâu jăk yua kơ sư bơngai jang đĕch, sư ưh kơ 'mêm kơ triu ôh.

I Kor 7:33

Mă-lei gah lu bơngai đei kon akăn, sư tơchĕng lơ gah tơdrong ala teh âu wă kơ kon akăn sư lăp đon kơ sư.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.