I Kor 7:29 - Sơ̆p Hlabơar Nơ̆r 'Bok Kei-Dei

²⁹ Ơ 'nhŏng oh, inh wă pơma kơ iĕm mă nhên gah tơdrong âu: Năr ei wă jê̆ truh boih na đơ̆ng âu tơ anăp lu bơngai đĭ đei kon akăn athei kiơ̆ tơdrong arih lu bơngai ưh kơ đei kon akăn 'biơ̆, wă kơ gơh adrin jang tơdrong 'Bok Kei-Dei.

I Kor 7:29 ပူးပေါင်းရင်းမြစ်များ

II Sam 19:34

Mă-lei Barsilai tơl pơtao: “Inh oei arih dôm yơ sơnăm dơ̆ng na mah năm oei hăm ih tơ pơlei Jêrusalem?

Bôk Bơthô 6:12

Yua kơ dôm lu năr lăm chăl arih kon bơngai ưh kơ yua kiơ păr hiong thoi yơ̆p thoi ngôi, hăm đei bu băt tơdrong kiơ 'lơ̆ng đei lơi yua kơ bơ̆n? Hăm đei bơngai bu gơh khan lê̆ adrol tơdrong kiơ wă truh kơ bơngai 'nâu, đơ̆ng rŏng kơ sư lôch?

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsêkiên 7:12

Jơ trŏ boih, 'năr truh boih! Bơngai răt 'nĕ kơ chơt hiôk, bơngai tĕch kư̆m 'nĕ kơ ơh sơ'ngon, yua kơ tơdrong truh kơ đĭ-đăng.

Luka 14:20

Đei bơngai nai dơ̆ng khan: ‘Inh 'nao đei akăn na inh ưh kơ wăn.’

I Kor 7:28

Mă dah lu iĕm tơdăm iŏk akăn dang ei kư̆m ưh kơ đei yoch kiơ ôh. Mă lu adruh dah hăt kơ chă klo kư̆m ưh kơ đei tơdrong yoch kiơ ôh. Mă-lei inh bơtho wă kơ iĕm huay kơ đei tơdrong gleh thoi lu bơngai đei kon akăn.

I Kor 7:30

Lu bơngai nhơ̆m hmoi ơh sơ'ngon dang ei athei pơchĭt lê̆ bĕ tơdrong nhơ̆m hmoi 'noh. Lu bơngai hiôk chơt dêh athei hiơt 'biơ̆ bĕ kơ tơdrong hiôk sư 'noh. Lu bơngai mơdro sa 'nĕ tơchĕng dêh gah tơdrong sư mơdro sa.

I Kor 7:31

Lu bơngai hăt kơ tơdrong ala teh âu 'nĕ pă tơchĕng dêh gah tơdrong ala teh âu yua kơ đĭ dôm tơdrong ala teh âu gô hiong hiach hach răm tôch đĕch.

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

I Yo 2:17

Ala teh âu dôm tơdrong kon bơngai 'maih iŏk gô răm, mă-lei dah bơngai bu pơm trŏ thoi 'Bok Kei-Dei wă, bơngai 'noh gô arih ling-lang.