I Kor 7:26 - Sơ̆p Hlabơar Nơ̆r 'Bok Kei-Dei

²⁶ Yua kơ dang ei kư̆m đei boih tơdrong gleh truh, na inh tơchĕng athei iĕm oei hơnơ̆ng thoi krô đĕch 'nĕ kơ pơm phara tơdrong kiơ.

I Kor 7:26 ပူးပေါင်းရင်းမြစ်များ

Mathiơ 24:19

Kơplah ei kơnh lu bơngai drŏ-kăn akâu kơhioh păng lu bơngai drŏ-kăn tơmŏm kon lu sư pơmat-tat dêh.

Luka 21:23

Kơplah ei kơnh, lu bơngai drŏ-kăn akâu kơhioh păng lu bơngai drŏ-kăn tơmŏm kon, lu sư pơmat-tat dêh. Gô đei tơdrong anat anot gleh tơpă yua kơ 'Bok Kei-Dei wă phak lu bơngai Juđê âu.

I Kor 7:1

Gah kơthơ dôm tơdrong iĕm jet inh 'noh, inh wă tơl iĕm dang ei. Bơngai drŏ-nglo ưh kơ iŏk akăn kư̆m 'lơ̆ng mơ̆n.

I Kor 7:27

Dah bơngai bu đei akăn boih, 'nĕ kơ achăng akăn sư; dah bơngai tam mă đei akăn, apinh sư 'nĕ tam hăt chă akăn dang ei.

I Kor 7:28

Mă dah lu iĕm tơdăm iŏk akăn dang ei kư̆m ưh kơ đei yoch kiơ ôh. Mă lu adruh dah hăt kơ chă klo kư̆m ưh kơ đei tơdrong yoch kiơ ôh. Mă-lei inh bơtho wă kơ iĕm huay kơ đei tơdrong gleh thoi lu bơngai đei kon akăn.

I Kor 7:8

Inh wă khan kơ lu bơngai ưh kơ đei klo kăn păng lu bơngai drŏ-kăn adro thoi âu: Dah iĕm ngôi hơdrô̆ thoi inh 'lơ̆ng mơ̆n.

II Tes 2:2

Tơ pơlei iĕm đei bơngai jô̆ kơ nhôn bơtho khan năr tôch wă jê̆ truh boih. Iĕm 'nĕ kơ lui hŏ. Dah iĕm lui kơ Sư, iĕm jing hơwơ̆l kơ đon. Nhôn ưh kơ đei bơtho khan năr tôch wă jê̆ truh boih ôh. Yang Bơhngol 'Lơ̆ng ưh kơ đei pơtruh nơ̆r Sư kơ nhôn, khan năr tôch wă jê̆ truh boih ôh. Hăm nhôn ưh kơ đei chih roi lăm kơthơ nhôn ôh.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.