I Kor 7:25 - Sơ̆p Hlabơar Nơ̆r 'Bok Kei-Dei

²⁵ Bĭ gah tơdrong lu bơngai oei hơdrô̆, Kră Yang Yêsu Krist ưh kơ đei bơtho pơkă kơ bơ̆n thoi yơ ôh sơ̆. Mă-lei inh wă bơtho iĕm mơ̆n, yua kơ Kră Yang tơgŭm inh bơtho iĕm mă trŏ.

I Kor 7:25 ပူးပေါင်းရင်းမြစ်များ

Horiso 78:63

Ŭnh sa lu kon tơdăm lu sư. Păng kon adruh lu sư ưh pă đei bu iŏk oei.

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

I Kor 7:10

Bĭ gah lu bơngai mă đei klo kăn boih inh kư̆m wă khan mơ̆n, mă-lei ưh kơ sĭ đơ̆ng nơ̆r inh kơdih chă khan ôh, đơ̆ng nơ̆r Kră Yang bơ̆n Yêsu Krist pơma sơ̆ thoi âu: Bơngai drŏ-kăn ưh kơ gơh achăng klo sư ôh.

I Kor 7:12

'Noh đơ̆ng nơ̆r Kră Yang Yêsu Krist pơma sơ̆. Na dang ei inh wă bơtho iĕm dơ̆ng thoi âu: Dah drŏ-nglo bơngai lui oei kơ drŏ-kăn ưh kơ lui, na akăn sư wă oei kơ sư khŏm khŏm kư̆m bưh mơ̆n, 'nĕ kơ achăng tŭk sư ôh.

I Kor 7:28

Mă dah lu iĕm tơdăm iŏk akăn dang ei kư̆m ưh kơ đei yoch kiơ ôh. Mă lu adruh dah hăt kơ chă klo kư̆m ưh kơ đei tơdrong yoch kiơ ôh. Mă-lei inh bơtho wă kơ iĕm huay kơ đei tơdrong gleh thoi lu bơngai đei kon akăn.

I Kor 7:34

Na đon sư tơchĕng jing tơklah 'bar trong, minh pah sư wă adrin jang tơdrong Kră Yang, minh pah sư ưh kơhnger achăng kon akăn sư na sư chu jang kiơ̆ kon akăn sư đĕch. Mă-lei lu bơngai drŏ-kăn mă ưh kơ đei klo, sư adrin jang tơdrong Kră Yang, sư wă pơyơ̆r akâu sư kơ Kră Yang đĭ đon tơchĕng, đĭ jơhngơ̆m klơm klak sư. Mă-lei dah bơngai ayơ đei klo boih, sư tơchĕng lơ tơdrong ala teh âu, sư wă kơ klo sư lăp đon kơ sư.

I Kor 7:40

Mă-lei lăm đon inh tơchĕng dah sư lê̆ pă chă klo, ngôi minh 'nu đĕch noh 'lơ̆ng. Inh tơchĕng Yang Bơhngol 'Lơ̆ng kư̆m wă kơ inh bơtho iĕm thoi noh mơ̆n.

I Kor 7:6

Tơdrong âu ưh kơ sĭ inh athei đĭ-đăng bơngai iŏk klo kăn ngăl ôh, inh pơma tơdrong âu yua kơ trŏ kơ tơdrong iĕm dang ei.

II Kor 11:17

Tơdrong inh wă pơma pơang akâu inh dang ei, ưh kơ sĭ pơma rok thoi Kră Yang Yêsu ôh, inh pơma thoi bơngai kơhlôh na inh pơ̆n pơma pơang akâu kơdih.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.