I Kor 7:21 - Sơ̆p Hlabơar Nơ̆r 'Bok Kei-Dei

²¹ Dah kơplah 'Bok Kei-Dei krao iĕm lui sơ̆ iĕm bơngai đĭch đe, iĕm 'nĕ hăt 'nhĕng kơ đe wă chă tơdrong akâu kơdih rơngei hŏ. Mă-lei dah yŏng iĕm mơnat ăn kơ iĕm rơngei 'noh 'lơ̆ng hloh.

I Kor 7:21 ပူးပေါင်းရင်းမြစ်များ

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

I Kor 7:20

Rim 'nu kơ bơ̆n athei kiơ̆ thoi kơplah 'Bok Kei-Dei krao bơ̆n sơ̆ đĕch.

I Kor 7:22

Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Philip 4:11

Inh pơma kơ iĕm thoi noh ưh kơ sĭ inh jơ̆l kơ tơmam ưh kơ mah wă kơ iĕm tơgŭm inh ôh. Inh tơ'bơ̆p tơdrong thoi yơ kư̆m bưh jơhngơ̆m inh oei hiôk lei-lăi. Tơdrong noh 'Bok Kei-Dei bơtho inh băt tôm boih.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.