I Kor 7:2 - Sơ̆p Hlabơar Nơ̆r 'Bok Kei-Dei

² Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.

I Kor 7:2 ပူးပေါင်းရင်းမြစ်များ

Tơdrông Pơđơk 18:22

Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

Tơdrông Pơđơk 19:14

Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.

Malachi 2:14

Lu iĕm đei khan: “Yua kơ kiơ?” Yua kơ Kră Yang băt kơ măr iĕm ih hăm akăn ih mă iŏk oei đơ̆ng 'lơ̆p sơ̆, bơngai mă oei hơdai ih păng jing akăn ih đei pơgơ̆p hăm ih boih. Mă-lei ih kư̆m oei sa hơbĕch pơdăr hăm sư 'mơ̆i.

Mathiơ 5:32

Na Inh bơtho iĕm dang ei thoi âu: Akăn sư ưh kơ đei pơm yoch kơ sư, mă-lei klo sư achăng tŭk, na akăn sư jing iŏk klo plơ̆ng, na klo kăn mă đơ̆ng rŏng noh kư̆m dang pơm yoch mơ̆n, yua kơ klo sư hơdrol achăng ưh kơ trŏ kơ tơdrong achăng, na 'Bok Kei-Dei oei jô̆ bre sư klo kăn so đĕch. Mă-lei tơdrong yoch lu sư noh, klo sư mă hơdrol pơm kơ lu sư jing yoch đĭ-đăng.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

I Kor 7:1

Gah kơthơ dôm tơdrong iĕm jet inh 'noh, inh wă tơl iĕm dang ei. Bơngai drŏ-nglo ưh kơ iŏk akăn kư̆m 'lơ̆ng mơ̆n.

I Kor 7:3

Klo trŏ tơdrong ngôi kơ akăn sư kơdih, na akăn sư kư̆m chu kiơ̆ kơ đon klo sư wă.

I Kor 7:9

Mă-lei hli kơ iĕm ưh kơ kĕ gơ̆t kơ tơdrong pơm yoch na iĕm athei oei băl klo kăn đĕch 'lơ̆ng hloh kơ iĕm oei hơdrô̆.

Êphêsô 5:28

Lu bơngai pơm klo athei 'mêm kơ akăn sư yua kơ bre sư jing minh sĕch minh akar boih. Bơngai bu 'mêm kơ akăn sư thoi noh, bơngai noh 'mêm kơ akâu sư kơdih thoi noh mơ̆n.

Êphêsô 5:33

Thoi noh na lu bơngai pơm klo athei 'mêm kơ akăn sư thoi noh tơpă, thoi sư 'mêm kơ akâu sư kơdih. Na lu bơngai pơm akăn kư̆m lei-lăi athei băt 'mêm mơnat hăm chu yom kơ klo sư pơgơ̆r sư lăm tôm tơdrong.

I Tes 4:4

Sư wă kơ đĭ-đăng bơ̆n wei jơ̆ng ti bơ̆n kơdih mă hơđơ̆ng.

I Tim 4:3

Lu bơngai ei chă bơtho đe khan ưh kơ gơh iŏk klo kăn păng kơ̆m kơ lu tơmam sa. Mă-lei 'Bok Kei-Dei pơjing tơmam sa 'noh wă kơ bơ̆n gơh sa. Na lu bơ̆n bơngai lui băt tôm tơdrong 'Bok Kei-Dei, bơ̆n athei krao khan bơnê kơ Sư 'mơ̆i, klaih kơ noh bơ̆n gơh sa boih.

Lu 21:22

Mưh 'bă dah 'nhŏng oh lu sư kêng lu iĕm tơ lu nhôn, na lu nhôn gơh tơl sư: Apinh iĕm mơnat asong kơ lu sư rôp pơm akăn, yua kơ lăm kơplah tơblah ki lu nhôn ưh kơ gơh ăn kơ lu sư chă akăn lăm rim 'nu lu sư 'noh, Lu iĕm kư̆m ưh kơ gơh rôp ăn kơ lu sư chă akăn; yua kơ noh lu iĕm kư̆m ưh kơ đei pơm yoch hăm nơ̆r bơ̆n pơkăm.