I Kor 7:18 - Sơ̆p Hlabơar Nơ̆r 'Bok Kei-Dei

¹⁸ Pơtih gia bơngai bu đêl kăt tơdra akar kiơ̆ kơ tơdrong juăt sư na 'Bok Kei-Dei krao sư lui, bơngai 'noh athei lê̆ thoi noh đĕch. Dah bơngai bu đơ̆ng sơ̆ ưh kơ đei pơtơ̆p kăt tơdra akar na 'Bok Kei-Dei krao sư lui, bơngai 'noh 'nĕ pơtơ̆p kăt rok đe mơ̆n.

I Kor 7:18 ပူးပေါင်းရင်းမြစ်များ

Jang 15:19

Na inh tơchĕng thoi âu: Bơ̆n 'nĕ pơgŏ lu bơngai tơmoi mă lui kơ 'Bok Kei-Dei hŏ.

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

Jang 15:28

Yang Bơhngol 'Lơ̆ng păng nhôn ưh kơ wă athei iĕm pơm lu tơdrong anat, mă-lei iĕm athei kiơ̆ lu tơdrong âu đĕch:

Jang 15:5

Mă-lei kư̆m đei bơngai lui kơ Yêsu đơ̆ng khŭl đe Pharisi iung pơma thoi âu: “Lu bơngai tơmoi lui kơ Yêsu ei, lu sư athei chu kăt tơdra akar kơdih păng kiơ̆ dôm lu tơdrong juăt Môis pơkă.”

Jang 21:21

Lu sư kơtơ̆ng đe jô̆ kơ ih bơtho lu bơngai Juđê tơ dêh đe tơmoi khan ih athei lu sư tŭk đĭ tơdrong juăt Môis păng tŭk tơdrong kăt tơdra akar lu kon sư păng tŭk đĭ dôm tơdrong juăt Juđê mơ̆n.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.