I Kor 7:13 - Sơ̆p Hlabơar Nơ̆r 'Bok Kei-Dei

¹³ Dah drŏ-kăn bơngai lui oei kơ drŏ-nglo ưh kơ lui, na klo sư wă oei kơ sư khŏm khŏm kư̆m lei-lăi, 'nĕ kơ achăng tŭk sư.

I Kor 7:13 ပူးပေါင်းရင်းမြစ်များ

Markôs 10:12

Dah drŏ-kăn achăng lê̆ klo sư, na iŏk klo plơ̆ng, drŏ-kăn 'noh kư̆m yoch mơ̆n yua kơ sư dang kơđang kơ̆l ako 'brơh kơ klo sư.”

I Kor 7:12

'Noh đơ̆ng nơ̆r Kră Yang Yêsu Krist pơma sơ̆. Na dang ei inh wă bơtho iĕm dơ̆ng thoi âu: Dah drŏ-nglo bơngai lui oei kơ drŏ-kăn ưh kơ lui, na akăn sư wă oei kơ sư khŏm khŏm kư̆m bưh mơ̆n, 'nĕ kơ achăng tŭk sư ôh.

I Kor 7:14

Mă klo sư ưh kơ lui, 'Bok Kei-Dei lăng bre klo kăn noh kư̆m 'lơ̆ng yua kơ akăn sư lui. Kư̆m lei-lăi, klo sư lui mă akăn sư ưh, 'Bok Kei-Dei lăng bre klo kăn noh kư̆m 'lơ̆ng yua kơ klo sư lui boih. Dah 'Bok Kei-Dei lăng bre sư ưh kơ 'lơ̆ng lei Sư kư̆m lăng kon bre sư kư̆m ưh kơ 'lơ̆ng mơ̆n. Mă-lei bơ̆n băt boih 'Bok Kei-Dei lăng kon bre sư 'lơ̆ng. Thoi noh bơ̆n kư̆m băt Sư lăng bre klo kăn noh 'lơ̆ng mơ̆n.