I Kor 7:10 - Sơ̆p Hlabơar Nơ̆r 'Bok Kei-Dei

¹⁰ Bĭ gah lu bơngai mă đei klo kăn boih inh kư̆m wă khan mơ̆n, mă-lei ưh kơ sĭ đơ̆ng nơ̆r inh kơdih chă khan ôh, đơ̆ng nơ̆r Kră Yang bơ̆n Yêsu Krist pơma sơ̆ thoi âu: Bơngai drŏ-kăn ưh kơ gơh achăng klo sư ôh.

I Kor 7:10 ပူးပေါင်းရင်းမြစ်များ

Je 3:20

Mă-lei, ơ adrĕch Isơrael, lu iĕm thoi minh 'nu drŏ-kăn pơm kơnê̆ achăng lê̆ klo sư, lu iĕm pơm kơnê̆ hăm Inh boih,” Kră Yang khan thoi noh.

Mathiơ 5:32

Na Inh bơtho iĕm dang ei thoi âu: Akăn sư ưh kơ đei pơm yoch kơ sư, mă-lei klo sư achăng tŭk, na akăn sư jing iŏk klo plơ̆ng, na klo kăn mă đơ̆ng rŏng noh kư̆m dang pơm yoch mơ̆n, yua kơ klo sư hơdrol achăng ưh kơ trŏ kơ tơdrong achăng, na 'Bok Kei-Dei oei jô̆ bre sư klo kăn so đĕch. Mă-lei tơdrong yoch lu sư noh, klo sư mă hơdrol pơm kơ lu sư jing yoch đĭ-đăng.

Markôs 10:2

Đei bơngai Pharisi năm jet pơlong Sư wă kơ Sư pơma ưh kơ trŏ tơdrong juăt. Lu sư jet thoi âu: “Kiơ̆ tơdrong juăt bơ̆n hăm gơh achăng akăn?”

Luka 16:18

Mă tơdrong achăng akăn kư̆m lei-lăi, bơngai bu achăng akăn sư na iŏk akăn plơ̆ng, bơngai noh sư yoch boih yua kơ sư kơđang kơ̆l ako pơ'brơh kơ akăn sư. Bơngai bu iŏk akăn mă đơ̆ng đe achăng lê̆ boih, bơngai noh kư̆m yoch mơ̆n.”

I Kor 7:11

Dah sư achăng klo sư, sư athei oei minh 'nu đĕch, 'nĕ pă chă klo dơ̆ng. Dah wă chă klo, sư athei yĕng kơ klo so sư đĕch. Bơngai drŏ-nglo kư̆m lei-lăi ưh kơ gơh achăng tŭk akăn sư ôh.

I Kor 7:12

'Noh đơ̆ng nơ̆r Kră Yang Yêsu Krist pơma sơ̆. Na dang ei inh wă bơtho iĕm dơ̆ng thoi âu: Dah drŏ-nglo bơngai lui oei kơ drŏ-kăn ưh kơ lui, na akăn sư wă oei kơ sư khŏm khŏm kư̆m bưh mơ̆n, 'nĕ kơ achăng tŭk sư ôh.

I Kor 7:15

Mă-lei klo dah akăn mă ưh kơ lui wă achăng klo dah akăn sư mă lui, lê̆ sư achăng kư̆m bưh ưh kơ kơ̆m ôh. 'Bok Kei-Dei krao bơ̆n lui kơ Sư, Sư wă kơ bơ̆n pơma pơlung băl mă 'lơ̆ng, ưh kơ sĭ Sư wă kơ bơ̆n hang nuih ôh.

I Kor 7:25

Bĭ gah tơdrong lu bơngai oei hơdrô̆, Kră Yang Yêsu Krist ưh kơ đei bơtho pơkă kơ bơ̆n thoi yơ ôh sơ̆. Mă-lei inh wă bơtho iĕm mơ̆n, yua kơ Kră Yang tơgŭm inh bơtho iĕm mă trŏ.

I Kor 7:40

Mă-lei lăm đon inh tơchĕng dah sư lê̆ pă chă klo, ngôi minh 'nu đĕch noh 'lơ̆ng. Inh tơchĕng Yang Bơhngol 'Lơ̆ng kư̆m wă kơ inh bơtho iĕm thoi noh mơ̆n.

I Kor 7:6

Tơdrong âu ưh kơ sĭ inh athei đĭ-đăng bơngai iŏk klo kăn ngăl ôh, inh pơma tơdrong âu yua kơ trŏ kơ tơdrong iĕm dang ei.