I Kor 6:7 - Sơ̆p Hlabơar Nơ̆r 'Bok Kei-Dei

⁷ Iĕm tơkêng sa băl tŏk tơ kră sek tơlang thoi noh ưh kơ trŏ ôh, 'noh inh băt kơ tơdrong lui iĕm oei rơdu iĕ tơpă. Dah tơduă iĕm bơngai lui pơm ưh kơ 'lơ̆ng dih băl, dah tơtông băl tơmam, iĕm 'nĕ kơ jâu sư, 'noh 'lơ̆ng hloh.

I Kor 6:7 ပူးပေါင်းရင်းမြစ်များ

Tơdrông Pơđơk 2:5

Kơplah noh ih gô băt hlôh kơ tơdrong hli yom kơ Kră Yang; Păng 'bôh tơdrong hlôh wao Kră Yang 'Bok Kei-Dei,

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Luka 6:29

Tơ̆ng đe tap 'bŏ iĕm gah 'ma, iĕm athei ăn hloi gah 'ngiĕo. Tơ̆ng đe iŏk ao iĕm minh blah, iĕm athei ăn hloi 'bar blah.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.