I Kor 6:19 - Sơ̆p Hlabơar Nơ̆r 'Bok Kei-Dei

¹⁹ Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

I Kor 6:19 ပူးပေါင်းရင်းမြစ်များ

I Pot 20:4

Pơtao Isơrael tơl: “Ơ yŏng pơtao inh, kiơ̆ thoi nơ̆r ih khan, inh păng dôm tơmam inh đei 'noh tơmam ih ngăl.”

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 12:4

Lu bơngai noh khan: “Yua kơ đơ̆ng hơpiĕt gô jei bơ̆n; 'Bơ̆r lu bơ̆n kơdih: Bu pơm yŏng bơ̆n?”

Yo 2:21

Mă-lei Yêsu jô̆ tơdrong 'noh, Sư pơma gah akâu Sư kơdih lôch iung arih kơtĕch pêng năr đĕch, ưh kơ sĭ pơma gah hnam akŭm tơpă ôh.

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

I Kor 3:16

Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

I Kor 6:13

Tơpă mơ̆n 'Bok Kei-Dei pơjing tơmam sa wă 'me klak bơ̆n, 'Bok Kei-Dei pơjing klak bơ̆n wă mong tơmam sa, mă-lei ning-mônh sư wă pơrăm đĭ 'bar anăn 'noh, kơlih kơ ưh pă yua boih năr noh kơnh. Mă-lei gah akâu bơ̆n ưh kơ sĭ 'Bok Kei-Dei pơjing akâu bơ̆n wă kơ bơ̆n ngôi pơyô kư̆ kă ôh. Sư pơjing akâu bơ̆n wă kơ bơ̆n jang tơdrong Yŏng bơ̆n Yêsu Krist na Yŏng bơ̆n wei-lăng akâu bơ̆n.

I Kor 6:3

Ning-mônh bơ̆n gơh sek tơdrong linh jang. Dah bơ̆n gơh sek tơdrong linh jang ning-mônh lei bơ̆n kư̆m gơh sek tơdrong bơngai ala teh âu 'bônh loi.

II Kor 5:15

Sư lôch tang bơ̆n iung arih dơ̆ng, wă kơ bơ̆n arih huay kơ pơyua akâu bơ̆n kơdih, Sư wă kơ bơ̆n arih yua kơ tơdrong jang Sư.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.