I Kor 6:17 - Sơ̆p Hlabơar Nơ̆r 'Bok Kei-Dei

¹⁷ Dah bơngai bu lui kơ Kră Yang Yêsu, bơngai 'noh dang minh jơhngơ̆m minh đon hăm Yêsu.

I Kor 6:17 ပူးပေါင်းရင်းမြစ်များ

Yo 3:6

Mĕ bơ̆n tơpŭ kơ bơ̆n sơ̆, noh păng akâu sư kơdih. Mă-lei bơ̆n tơpŭ ming 'nao dơ̆ng, 'noh đơ̆ng Yang Bơhngol 'Lơ̆ng pơm kơ bơ̆n.

Rom 8:9

Mă-lei gah iĕm, iĕm ưh kơ gơnang kơ akâu iĕm kơdih ôh, iĕm gơnang kơ Yang Bơhngol 'Lơ̆ng, yua kơ Yang Bơhngol 'Lơ̆ng 'Bok Kei-Dei oei hăm iĕm. Yua kơ Yêsu Krist ăn noh, Sư ăn kơ rim 'nu bơngai bu mă lui kơ Sư. Bơngai mă ưh kơ đei Yang Bơhngol 'Lơ̆ng, bơngai noh ưh kơ lui kơ Yêsu ôh.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

I Kor 6:15

Iĕm ưh kơ băt ôh hă rim 'nu kơ bơ̆n gơh pơgơ̆p minh chăl lăm akâu Yêsu Krist? Na iĕm wă kơ bơ̆n pơgơ̆p dơ̆ng minh chăl tơ akâu drŏ-kăn đi dơ̆ng hă? Ưh ôh.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Êphêsô 5:30

Na lu bơ̆n âu boih dang akâu akar Yêsu Krist.

Philip 2:5

Iĕm athei tơchĕng đon thoi Yêsu Krist tơchĕng: