I Kor 6:10 - Sơ̆p Hlabơar Nơ̆r 'Bok Kei-Dei

¹⁰ lu bơngai tơtông, lu bơngai 'nhĕng kơ mŭk tơmam đe, lu bơngai et sik suai, lu bơngai oei hiĕk achơ̆ kơ đe, iĕm 'nĕ ngêh lu sư gơh tŏk oei tơ dêh char 'Bok Kei-Dei ôh.

I Kor 6:10 ပူးပေါင်းရင်းမြစ်များ

Tơdrông Pơđơk 7:27

Hnam sư thoi trong năm tơ dêh atâu; 'nâu trong jur năm lăm dơnâu ŭnh.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Je 7:11

Lei lu iĕm lăng hnam âu, anih Anăn Inh, thoi anih tơtông klĕ hă? Âu Inh, Inh 'bôh boih dôm tơdrong noh, Kră Yang khan thoi noh.

Êsêkiên 22:13

Inh gô tap ti hil, kơ tơdrong ih iŏk sa lơi dêh păng pơlôch lơ bơngai lăm lu iĕm.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Êsêkiên 22:29

Kon pơlei oei lăm teh đak pơjuă sa băl, tơtông tơgar iŏk, pơjuă pơđep lu bơngai dơnuh hin pơmat-tat, păng pơjuă pơđep lu bơngai tơmoi ưh pă ăn kơ lu sư đei tơdrong tơpăt.

Mathiơ 21:19

Na Sư 'bôh minh tơnơm 'long hơra 'bơ̆t cheng trong. Na Sư thar năm lăng 'long hơra noh ngêh kơ đei plei, plă kơ ưh, 'bôh pôm hla đĕch. Na Yêsu sơkat kơ 'long hơra noh khan: “Đơ̆ng âu tơ anăp e 'nĕ pă plei dơ̆ng.” Sĭt tơpă tơnơm 'long hơra noh kro lôch hloi.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

I Kor 15:50

Ơ 'nhŏng oh, inh khan kơ iĕm tơpă, sĕch akar kon bơngai bơ̆n ưh kơ gơh oei tơ dêh char 'Bok Kei-Dei ôh, yua kơ sĕch akar bơ̆n juăt kơ ôm hach. Tơ dêh char Sư ưh kơ đei kiơ jing ôm hach.

I Kor 5:11

Kơthơ inh chih kơ iĕm ki, inh khă kuă ăn iĕm tơbôl păng bơngai mă lui ră, mă sư ưh kơ kiơ̆ tơdrong lui tơpă. Sư oei pơm pơyô kư̆ kă, sư oei 'nhĕng kơ mŭk tơmam đe, sư kơkuh kơ rup yang, sư oei hiĕk achơ̆ kơ đe ling-lang, sư oei et sik suai, sư oei tơtông mŭk tơmam đe; dôm lu bơngai thoi noh inh kuă ăn iĕm tơbôl păng kuă ăn sŏng sa hơdai.

Galati 5:21

sư 'nhĕng kơ đe, sư suai sik pơm kư̆ kă, sư pơm lơ tơdrong kơnê̆, lơ tơdrong noh nai dơ̆ng. Inh wă pơma dơ̆ng kơ iĕm thoi inh roi boih kơ iĕm sơ̆: Dôm lu bơngai pơm thoi noh ưh kơ gơh oei hơdai tơ dêh char 'Bok Kei-Dei ôh ning-mônh.

Êphêsô 4:28

Lu bơngai mă juăt kơ tơtông, 'nĕ pă tơtông dơ̆ng thoi đêl; athei jang hrat kơdih wă kơ đei tơmam sa kơdih hăm tơgŭm lu bơngai dơnuh hoh.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

I Pet 4:15

Bơ̆n đei tơdrong gleh truh yua kơ tơdrong yoch bơ̆n, noh pha. Thoi noh na bơ̆n 'nĕ kơ pơlôch đe, 'nĕ kơ tơtông, 'nĕ kơ pơm kơnê̆, 'nĕ kơ pơm pơhloh kơ tơdrong jang đe.