I Kor 5:3 - Sơ̆p Hlabơar Nơ̆r 'Bok Kei-Dei

³ Akâu inh ataih đơ̆ng iĕm ră, mă-lei lăm jơhngơ̆m đon inh oei hơdai hăm iĕm, na inh tang măt Kră Yang Yêsu sek tơlang boih tơdrong bơngai mă pơm yoch 'noh.

I Kor 5:3 ပူးပေါင်းရင်းမြစ်များ

I Kor 5:12

Inh ưh kơ trŏ kơ bơngai chă sek tơdrong lu bơngai 'ngoaih mă ưh kơ lui ôh. 'Bok Kei-Dei đĕch gô sek tơlang kơ sư. Mă-lei bơ̆n gơh sek tơ lăm tơduă lu bơ̆n bơngai lui, na iĕm athei sek tơdrong buăl bơ̆n mă pơm kơnê̆ kư̆ kă oei kơ duch sư noh. Pơpuh tơjăk sư 'nĕ pă ăn kơ sư oei hơdai iĕm.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 10:11

Bơngai bu đon sư tơchĕng thoi noh, bơngai noh athei pơwao kơdih mă trŏ thoi tơdrong nhôn chih, yua kơ dôm tơdrong nhôn chih pơkă tơ rim kơthơ, mưh nhôn truh tơ iĕm, nhôn gô pơm 'blep tôm tơdrong thoi nhôn chih noh.

II Kor 13:2

Inh năm tơ iĕm 'măng mă 'bar ki, inh khan kơ lu bơngai pơm yoch hăm lu bơngai nai, mưh inh năm tơ iĕm pă 'măng 'bôh iĕm oei pơm yoch, inh ưh pă bơtho boih, inh tơlĕch lê̆ hloi; na mă inh oei krŭl đơ̆ng iĕm dang ei inh kư̆m khan kơ iĕm thoi noh mơ̆n.

Kôlôsê 2:5

Akâu inh ataih đơ̆ng iĕm ră, mă-lei lăm jơhngơ̆m đon inh oei hơdai hăm iĕm, na inh hiôk yua kơ inh băt kơ iĕm pôm đon hăm lui kơjăp kơ Yêsu Krist.

I Tes 2:17

Ơ 'nhŏng oh, iĕm kư̆m băt hơtai nhôn jăk đơ̆ng iĕm truh dang ei tam mă đunh mơ̆n, mă-lei lu nhôn rơnguơ̆ dêh kơ lu iĕm. Na nhôn wă khŏm năm tơ iĕm dơ̆ng.