I Kor 4:19 - Sơ̆p Hlabơar Nơ̆r 'Bok Kei-Dei

¹⁹ Na inh khan kơ iĕm, dah Kră Yang ăn, ưh pă đunh boih inh wă năm tơ iĕm tơpă, wă kơ băt bơngai pơang akâu sư ei, sư hơgei tơpă dah ưh.

I Kor 4:19 ပူးပေါင်းရင်းမြစ်များ

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 20:2

Sư năm jơ̆p tơ dêh char Masêđôn ei bơtho tơgŭm tơpă kơ lu bơngai lui wă kơ lu sư lui mă kơjăp. Klaih kơ noh sư năm tơ dêh char Grĕk dơ̆ng.

Rom 15:32

Thoi noh dah 'Bok Kei-Dei ăn kơ inh yĕng năm truh tơ iĕm tơpă lei jơhngơ̆m inh hiôk dêh, inh tơchĕng gơh pơdơh ngôi păng iĕm 'biơ̆.

I Kor 11:34

Bơngai bu năm sŏng sa hơdai hăm iĕm kiơ̆ kơ hơlŏng klak sư kơdih, bơngai 'noh iĕm athei sư brŏk sa tơ hnam sư kơdih đĕch 'lơ̆ng hloh, wă kơ 'Bok Kei-Dei huay kơ ăn kơ iĕm đei tơdrong chhŭr nuih. Gah tơdrong nai mă đêl iĕm jet inh 'noh gô inh năm tơ iĕm dơning dơmônh inh bơtho iĕm.

I Kor 14:5

Bơngai mă ư-ang kơ Kră Yang pơhiôk akâu sư kơdih noh, inh kư̆m wă kơ iĕm gơh rok sư mơ̆n, mă-lei iĕm athei pơtruh ăn kơ đe tơdrong 'Bok Kei-Dei 'noh kăl hloh kơ tơdrong pơhiôk akâu kơdih. Mă-lei dah bơngai mă ư-ang kơ 'Bok Kei-Dei gơh pơma nơ̆r hlĭch 'noh gơh tơblang kơ lu bôl lui lei kư̆m kăl mơ̆n, yua kơ sư gơh pơhiôk atŏk ăn kơ jơhngơ̆m lui bôl.

I Kor 16:5

Đơ̆ng rŏng kơ inh năm tơ dêh Masêđôn, inh wă năm tơ iĕm, yua kơ inh wă năm tơ dêh Masêđôn hơdrol 'mơ̆i.

I Kor 16:7

'Nâu ưh kơ sĭ inh wă drong ngôi đĕch ôh, inh wă oei hơdai iĕm đunh 'biơ̆ mơ̆n, dah Kră Yang ăn.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

I Kor 4:18

Đei lăm lu iĕm mơ'nah pơma pơang akâu kơdih kơ đe yua kơ lu sư ngêh kơ inh ưh pă đei năm tơ iĕm boih.

I Kor 4:6

Ơ 'nhŏng oh, dôm tơdrong inh bơtho pơtih gia hei, inh pơma 'bơm anăn inh păng anăn Apôlê đĕch, inh wă kơ iĕm huay kơ pơang kơ kon bơngai mă bu bu kư̆m thoi sơ̆p hla bơar 'Bok Kei-Dei khan. Thoi noh iĕm 'nĕ pơư bơngai âu pơchê bơngai to.

II Kor 1:23

'Bok Kei-Dei wă kơ inh pơma tơpăt kơ tơdrong inh ưh kơ đei năm hơpong tơ pơlei iĕm noh, ưh kơ sĭ yua inh ôh, yua iĕm. Inh hli kơ mưh inh năm iĕm mơlâu, yua kơ mưh inh năm pă jor kơ inh pơma pơjĭ đon iĕm.

II Kor 10:9

Dôm kơthơ inh chih, ưh kơ đei chih tơhli iĕm ôh,

Hêbrơ 6:3

Na dang ei, dah 'Bok Kei-Dei ăn, bơ̆n gơh pơhrăm pơthim lơ̆m tơdrong nai 'biơ̆ wă kơ mă jrŭ.

Ya 4:15

Na iĕm kuă kơ kiơ kơ pơma thoi âu trŏ: “Dah 'Bok Kei-Dei oei ăn kơ bơ̆n arih, bơ̆n gơh jang sa tơdrong âu tơdrong to.”